Öruggur sigur Englendinga gegn tíu leikmönnum Fílabeinsstrandarinnar

Ollie Watkins kom Englendingum yfir eftir hálftíma leik, en tíu mínútum síðar fékk Serge Aurier að fjúka af velli með sitt annað gula spjald í liði Fílabeinsstrandarinnar.

Englendingar nýttu sér liðsmuninn og Raheem Sterling tvöfaldaði forskot heimamanna á lokamínútu fyrri hálfleiksins. Það var svo Tyrone Mings sem gulltryggði 3-0 sigur Englendinga með marki í uppbótartíma.

Á sama tíma gerðu Hollendingar og Þjóðverjar 1-1 jafntefli þar sem Thomas Müller kom þýska liðinu yfir undir lok fyrri hálfleiks áður en Steven Bergwijn jafnaði metin tuttugu mínútum fyrir leikslok.