Fótbolti

Rannsókn lokið á máli Arons og Eggerts

Sindri Sverrisson skrifar
Aron Einar Gunnarsson var fyrirliði landsliðsins en hefur ekki spilað með því frá því í júní í fyrra, eftir ásakanir um gróft kynferðisbrot.
Aron Einar Gunnarsson var fyrirliði landsliðsins en hefur ekki spilað með því frá því í júní í fyrra, eftir ásakanir um gróft kynferðisbrot. vísir/vilhelm

Lögreglan á höfuðborgarsvæðinu hefur lokið rannsókn á kynferðisbroti í Kaupmannahöfn árið 2010 þar sem knattspyrnumennirnir Aron Einar Gunnarsson og Eggert Gunnþór Jónsson eru sakaðir um hópnauðgun.

Samkvæmt kæru átti meint brot Arons og Eggerts sér stað eftir landsleik Íslands og Danmerkur í Danmörku árið 2010.

Aron og Eggert lýstu báðir opinberlega yfir sakleysi sínu í yfirlýsingum fyrr í vetur, áður en þeir voru boðaðir til skýrslutöku hjá lögreglu fyrir þremur mánuðum.

RÚV greindi frá því í gær að rannsókn lögreglu á málinu væri lokið en Ævar Pálmi Pálmason, yfirmaður kynferðisbrotadeildar, staðfesti það.

Málið er því komið inn á borð ákærusviðs sem tekur ákvörðun um framhaldið.

Málið var tekið upp að nýju í haust, um það leyti sem íslenska landsliðið var að fara að mæta Armeníu og Liechtenstein í undankeppni HM og var Aron Einar ekki valinn í landsliðshópinn fyrir þá leiki. 

Aron, sem leikur með Al Arabi í Katar, hefur ekki spilað með landsliðinu síðan í júní á síðasta ári en landsliðsferli Eggerts, sem er leikmaður FH, lauk fyrir þremur árum.




Fleiri fréttir

Sjá meira


×