Bíó og sjónvarp

„Horfið á Fávita með ömmu ykkar“

Dóra Júlía Agnarsdóttir skrifar
Sólborg Guðbrandsdóttir stýrir þáttunum Fávitar
Sólborg Guðbrandsdóttir stýrir þáttunum Fávitar Instagram @itssuncity/Ketchup Creative

Söngkonan og aktivistinn Sólborg Guðbrandsdóttir er með mörg járn í eldinum þessa dagana. Ásamt því að taka þátt í Söngvakeppni Sjónvarpsins í ár er Sólborg að fara af stað með þættina Fávitar á Stöð 2+ efnisveitunni í dag.

Sólborg sá um Instagram reikninginn Fávitar á árunum 2016-2020, sem var átak gegn stafrænu og annars konar kynferðisofbeldi. Blaðamaður heyrði í Sólborgu varðandi þessa nýju þáttaröð sem hún segir að sé ætluð öllum kynslóðum.

1. Hvernig fæddist hugmyndin að þessum sjónvarpsþáttum?

Sólborg: Arnar, vinur minn frá Ketchup Creative, kom til mín með þá hugmynd að gera þætti saman. Hann þurfti ekkert að sannfæra mig lengi og áður en ég vissi af var Stöð 2 komið á vagninn og við á leiðinni að framleiða þætti saman. Mig hafði svo sem lengi langað að búa til kynfræðsluþætti en ég er ekki viss um að ég hefði farið af stað með það án hvatningarinnar frá Arnari.

2. Hvernig hefur ferlið gengið?

Sólborg: Rosalega vel í heildina litið. 

Við vinnslu þáttanna var ég að gera mjög margt í fyrsta skiptið; skrifa handrit, semja sketsa, finna leikara í hlutverk og fleira. 

Ég er klárlega reynslunni ríkari en mjög sátt með lokaútkomuna. Ég var reyndar með dúndur teymi með mér við framleiðslu þáttanna, Ketchup Creative, og þetta hefði aldrei orðið að veruleika án þeirra. Það eru forréttindi að fá að vinna með svona miklum fagmönnum.

Sýnishorn úr þáttunum má sjá hér fyrir neðan.

Klippa: Fávitar - Sýnishorn

3. Hvað finnst þér mikilvægast að komist til skila í gegnum þessa seríu?

Sólborg: Ég vona að fólk á öllum aldri geti horft á hana saman, að hún fræði einhverja og opni á umræður heima fyrir en kannski fyrst og fremst vona ég að fólk skemmti sér við að horfa á hana. 

Umræðan um kynlíf þarf ekkert að vera rosalega alvarleg. Við megum alveg hlæja að þessu líka.

4. Hvað er fleira á döfinni hjá þér?

Sólborg: Vonandi meira af alls konar skrifum en á allra næstu misserum er það kannski helst það Söngvakeppnin í mars. Við Sanna, sænska vinkona mín, syngjum saman lagið Hækkum í botn og ég hlakka alveg ótrúlega til þess.

5. Annað sem þú vilt taka fram?

Sólborg:

Kveikið á Stöð 2+, hækkið í botn og horfið á Fávita með ömmu ykkar.

Tengdar fréttir

Suncity gefur út nýtt lag og stefnir út fyrir landsteinana

Tónlistar- og baráttukonan Sólborg Guðbrandsdóttir gefur á miðnætti út nýtt lag undir listamannsnafni sínu Suncity. Adios er annað lagið sem hún gefur út á ferlinum og var það frumflutt í Brennslunni í dag.

Fávitar vinsælir í Giljaskóla en Runk og réttindi ekki

Ekkert verður af því að Heiðar Ríkharðsson kennari standi fyrir námskeiðinu Runk og réttindi fyrir nemendur í áttunda, níunda og tíunda bekk í Giljaskóla á Akureyri í vetur. Ekki reyndist nægur áhugi á námskeiðinu en um valgrein er að ræða.

Krakkar vilja meiri kynfræðslu

Sólborg Guðbrandsdóttir hefur undanfarin ár haldið úti Instagram reikningnum Fávitar þar sem hún birtir skjáskot af kynferðislegri áreitni á netinu.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.