Sigur í fyrsta leik Lampard | Southampton hafði betur gegn Coventry í framlengingu

Yerri Mina kom Everton yfir strax á 14. mínútu eftir að hafa komið inn á sem varamaður fyrir meiddan Ben Godfrey stuttu áður.

Staðan var því 1-0 í þegar flautað var til hálfleiks, en Richarlison tvöfaldaði forystu Everton-manna stuttu eftir hlé.

Ivan Toney minnkaði muninn fyrir Brentford af vítapunktinum á 54. mínútu, áður en Mason Holgate endurheimti tveggja marka forystu heimaliðsins átta mínútum síðar.

Það var svo Andros Townsend sem gulltryggði 4-1 sigur Everton með marki í uppbótartíma.

Þá vann Southampton 2-1 sigur gegn B-deildarliði Coventry í framlengdum leik. Viktor Gyoekeres skoraði mark Coventry á 22. mínútu áður en Stuart Armstrong jafnaði metin fyrir Southampton eftiur rúmlega klukkutíma leik.

Það var svo Kyle Walker-Peters sem reyndist hetja Southampton þegar hann skoraði sigurmark leiksins á 112. mínútu.

Úrslit dagsins

Enska bikarkeppnin, FA Cup, er á Stöð 2 Sport en upplýsingar um útsendingar má finna hér. FA Cup er hluti af Stöð 2 Sport erlent sem kostar 3.990 krónur á mánuði.