Handbolti

Björgvin Páll ósáttur: „Þetta er EM til skammar“

Ingvi Þór Sæmundsson skrifar
Myndin er lýsandi fyrir skoðun Björgvins Páls Gústavssonar á mótshöldurum.
Myndin er lýsandi fyrir skoðun Björgvins Páls Gústavssonar á mótshöldurum. vísir/getty

Björgvin Páll Gústavsson, landsliðsmarkvörður í handbolta, vandar mótshöldurum á EM ekki kveðjurnar í færslu á Twitter.

Björgvin Páll er einn sex leikmanna Íslands sem greindust með kórónuveiruna í aðdraganda leiksins gegn Danmörku. Hinir eru Aron Pálmarsson, Bjarki Már Elísson, Ólafur Guðmundsson, Elvar Örn Jónsson og Gísli Þorgeir Kristjánsson. Þrátt fyrir áföllin stóðu Íslendingar í heimsmeisturunum sem unnu á endanum fjögurra marka sigur, 28-24.

Í dag fékk Jón Birgir Guðmundsson, sjúkraþjálfari íslenska liðsins, svo jákvæða niðurstöðu úr hraðprófi og er kominn í einangrun.

Guðmundur Guðmundsson landsliðsþjálfari og Bjarki Már hafa gagnrýnt sóttvarnir á hótelinu sem íslenska liðið dvelur á en þær virðast ekki í hávegum hafðar. „Mér finnst bara að við höfum lent í aðstæðum á þessu hóteli sem eru mjög illviðráðanlegar. Það var ekki búbbla, og það vissi EHF að yrði ekki og var bara samþykkt. Þar með erum við útsettir, þó að við reynum að passa okkur,“ sagði Guðmundur í samtali við Vísi eftir leikinn gegn Dönum.

Og Björgvin lætur mótshaldara heyra það úr einangruninni. Hann segir að frammistaða Ungverja, innan vallar sem utan, sé líklega sú slakasta hjá heimaþjóð á stórmóti.

„Þetta EM er til skammar. Hlýtur að vera slakasta frammistaða heimaþjóðar á stórmóti frá upphafi, innan vallar sem utan,“ skrifaði Björgvin.

Markvörðurinn sagði þó jákvætt að Íslendingar hafi komið í veg fyrir að Ungverjar kæmust í milliriðil. Ísland vann leik liðanna í lokaumferð riðlakeppninnar, 31-30.

„Flott að hafa allavega náð að henda þeim út úr mótinu... Hafa leikið okkur grátt í boltanum síðustu ár. Jæja áfram gakk! Næsti leikur, næsta stríð og allt það!“ skrifaði Björgvin.

Veiran hefur leikið fleiri lið en Ísland illa, ekki síst Þýskaland. Hvorki fleiri né færri en tólf leikmenn þýska liðsins hafa greinst með veiruna og Alfreð Gíslason, þjálfari þess, hefur varla haft undan við að kalla á nýja leikmenn til að fylla skörð þeirra smituðu.

Næsti leikur Íslands á EM er gegn Ólympíumeisturum Frakklands klukkan 17:00 á morgun.


Tengdar fréttir

„Þetta gerir náttúrulega mótið erfitt og liggur við ómarktækt til lengdar“

Framkvæmdastjóri HSÍ segir ljóst að sóttvarnir hafi ekki verið í hávegum hafðar í Ungverjalandi þar sem Evrópumótið í handbolta fer fram en sex leikmenn íslenska liðsins og sjúkraþjálfari hafa nú greinst smitaðir. Búið er að herða sóttvarnir hjá liðinu og vonir bundnar við að fleiri greinist ekki smitaðir á næstu dögum. Framkvæmdastjóri HSÍ telur engar líkur á því að mótinu verði frestað.

Greindist smitaður eftir leikinn við Ísland

Danski landsliðsmaðurinn Hans Lindberg, sem reyndar á íslenska foreldra, hefur greinst með kórónuveirusmit eftir leikinn við Ísland á EM í handbolta í gærkvöld.

Erlingur lét þjálfarann spila á EM

Erlingur Richardsson nýtti krafta markmannsþjálfara síns í leik Hollands á Evrópumótinu í handbolta í gær, og sá gæti spilað enn meira í næstu leikjum þrátt fyrir að hafa lagt skóna á hilluna fyrir tveimur árum.

Skýrsla Henrys: Risahjarta í þessum drengjum

Eftir allt sem á undan var gengið áttu líklega margir von á því að íslenska liðið yrði eins og lömb leidd til slátrunar gegn Dönum í kvöld. Það varð alls ekki raunin.

Ómar Ingi: Trúðum því í alvörunni að við myndum vinna

Ómar Ingi Magnússon var eðlilega svekktur með tap íslenska landsliðsins gegn Danmörku í fyrsta leik milliriðilsins á EM í kvöld. Hann segir að það hafi verið erfitt fyrir hópinn að koma sér í gang fyrir leikinn en að liðið hafi haft raunverulega trú á því að vinna heimsmeistarana í kvöld.

„Ósanngjarnt að við lendum í þessu“

„Þetta er búin að vera rússíbanareið og eiginlega sjokk. Vonbrigði. Þó að það sé ekki hægt að segja slíkt þá finnst manni líka ósanngjarnt að við lendum í þessu,“ segir Guðmundur Guðmundsson landsliðsþjálfari um síðastliðinn sólarhring og smitin sex sem greinst hafa í hans leikmannahópi.

Elvar: Alls konar tilfinningar í allan dag

Elvar Ásgeirsson fékk heldur betur eldskírn í dag þegar hann spilaði sinn fyrsta A-landsleik í handbolta, gegn sjálfum heimsmeisturum Danmerkur á EM, og komst vel frá sínu.

Gísli Þorgeir líka smitaður

Áföllin halda áfram að dynja yfir strákana okkar á EM en nú hefur HSÍ staðfest að Gísli Þorgeir Kristjánsson sé einnig með Covid.

Mótshaldarar rugluðu saman sýnum og Mandic er með

Króatar fengu að vita rétt fyrir leik sinn við Svartfjallaland, sem nú stendur yfir á EM í handbolta, að David Mandic mætti spila þrátt fyrir að hafa misst af síðasta leik vegna kórónuveirusmits.

Björgvin: Þetta var mikið sjokk

„Heilsan á mér góð og ég held að hinir séu í þokkalegum málum líka,“ sagði Björgvin Páll Gústavsson í samtali við Vísi í dag en hann er í einangrun á herberginu sinu í Búdapest eftir að hafa fengið Covid.

Segir ekkert vit í að halda EM áfram

Nú þegar yfir hundrað leikmenn sem spila áttu á Evrópumótinu í handbolta hafa frá áramótum smitast af kórónuveirunni telur sérfræðingur TV 2 í Danmörku að ekkert vit sé í að halda mótinu áfram.

Strákarnir sem þurfa að fylla í stóru skörðin

Líf, ertu að grínast? Einmitt þegar íslenska karlalandsliðið í handbolta var á uppleið og með gríðarlega mikinn meðbyr duttu fimm leikmenn út vegna veiruskrattans. En hverjir koma til með að fylla í skörð fimmmenninganna.

Íslensku dómararnir úr leik á EM vegna smits

Kórónuveiran hefur ekki aðeins hrellt íslenska landsliðsmenn á Evrópumótinu í handbolta, því íslenska dómaraparið á mótinu hefur einnig stimplað sig út vegna smits.

Aron og Bjarki líka með Covid

Strákarnir okkar fengu annan skell í morgun þegar í ljós kom að Aron Pálmarsson og Bjarki Már Elísson séu með Covid. Fimm leikmenn liðsins eru því orðnir smitaðir.

Þrír smitaðir í íslenska liðinu

Það berast ekki góð tíðindi úr herbúðum strákanna okkar kvöldið fyrir fyrsta leik í milliriðli. Þrír leikmenn liðsins eru komnir með Covid.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.