Heimamenn í St. Pauli komust yfir strax á fjórðu mínútu með marki frá Etienne Amenyedo.

Staðan versnaði svo fyrir Dortmund á 40. mínútu þegar Axel Witsel setti boltann í eigið net og staðan því 2-0 í hálfleik, St. Pauli í vil.

Erling Braut Haaland minnkaði muninn fyrir Dortmund eftir tæplega klukkutíma leik, en nær komust gestirnir ekki og niðurstaðan því 2-1 sigur St. Pauli sem er á leið í átta liða úrslit á kostnað Dortmund.