Fótbolti

Áframhaldandi markaskortur í Afríkukeppninni

Ingvi Þór Sæmundsson skrifar
Sadio Mané og félögum í senegalska landsliðinu tókst ekki að skora gegn Gíneu.
Sadio Mané og félögum í senegalska landsliðinu tókst ekki að skora gegn Gíneu. ap/Sunday Alamba

Ekkert mark var skorað í fyrsta leik dagsins í Afríkukeppninni. Senegal og Gínea áttust þá við í B-riðli.

Sadio Mané, sem var hetja Senegal í fyrsta leiknum gegn Simbabve, lék allan leikinn en varð ekki ágengt upp við mark Gíneu.

Þetta var þriðji markalausi leikur Afríkukeppninnar en það væri synd að segja að mörkunum rigni inn. Aðeins átján mörk hafa verið skoruð á mótinu, eða 1,2 að meðaltali í leik.

Bæði Senegal og Gínea eru með fjögur stig í B-riðlinum. Seinni leikur dagsins er milli Malaví og Simbabve. Bæði lið töpuðu í 1. umferð riðlakeppninnar.

Tvö efstu liðin í riðluunum sex fara áfram sem og þau fjögur lið sem eru með bestan árangur í 3. sæti riðlanna.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.