Sport

Daníel Leó í byrjunarliði Blackpool sem tapaði naumlega fyrir Middlesbrough

Atli Arason skrifar
Daníel Leó Grétarsson, leikmaður Blackpool.
Daníel Leó Grétarsson, leikmaður Blackpool. Dave Howarth/Getty

Landsliðsmaðurinn Daníel Leó Grétarsson var í byrjunarliði Blackpool sem tapaði fyrir Middlesbrough í ensku 1. deildinni í kvöld.

Fyrri hálfleikur var tíðindalítill og markalaus en á 60. mínútu leiksins komst Middlesbrough yfir með marki Slóvakans Andraz Sporar. Á 73. mínútu gerir Blackpool tvöfalda skiptingu, Jerry Yates fer út af fyrir Shayne Lavery og Daníel er skipt af leikvelli fyrir miðjumanninn Josh Bowler og heimamenn ætluðu að reyna að sækja markið sem þeir þurftu. 

Það bar árangur á 91. mínútu þegar varamaðurinn Lavery jafnaði leikinn fyrir Blackpool. Middlesbrough svarar þó fyrir sig strax í næstu sókn með marki Duncan Watmore á 93. mínútu og þar við sat. Gestirnir frá Middlesbrough fara heim með stigin þrjú. Eftir leikinn er Blackpool í 13 sæti deildarinnar með 30 stig.




Fleiri fréttir

Sjá meira


×