Leyni­lögga á lista stofnanda IMDb yfir faldar perlur ársins

Þó margir Íslendingar vilji meina að Leynilögga, kvikmynd Hannesar Þórs Halldórssonar, hafi farið sannkallaða sigurför um heiminn, telur stofnandi stærstu kvikmyndarýnivefsíðu heims að hún hafi ekki hlotið verðskuldað lof.

Leynilögga skipar þriðja sæti á lista Needham en hann tekur reyndar fram að listinn sé einfaldlega í stafrófsröð. Glöggir lesendur vita að bókstafurinn L er ekki sérstaklega framarlega í slíkri röð. 

Titli myndarinnar hefur verið snarað yfir á enska tungu og gengur hún undir nafninu Cop Secret á alþjóðavísu. Því vermir hún þriðja sætið.

Needham tekur fram að myndirnar hafa ekki allar farið í dreifingu um allan heim enn og því eygi þær enn von um að fá þá viðurkenningu sem þær eiga skilið.

Leynilögga hefur verið sýnd víða um heim, til að mynda í Japan, en margir kvikmyndamarkaðir eru henni enn sem óplægðir akrar. Því gæti farið svo að Needham felli hana af lista sínum.

Lista Needhams má lesa í heild sinni á IMDb.