Erlent

Segir skilið við stjórn­málin

Atli Ísleifsson skrifar
Sebastian Kurz sagði af sér sem kanslari Austurríkis í október.
Sebastian Kurz sagði af sér sem kanslari Austurríkis í október. EPA

Sebastian Kurz, fyrrverandi kanslari Austurríkis, hefur ákveðið að segja skilið við stjórnmálin. Hinn 35 ára Kurz sagði af sér sem kanslari í október í kjölfar ásakana um spillingu.

Austurrískir fjölmiðlar segja að Kurz hafi ákveðið að hætta í stjórnmálunum af persónulegum ástæðum. Kurz eignaðist á dögunum sitt fyrsta barn og er að sagt haft mikið að segja um ákvörðun hans.

Kurz er leiðtogi austurríska Þjóðarflokksins, ÖVP, og tók fyrst við embætti kanslara árið 2017, þá 31 árs gamall. Hann gegndi stöðunni til ársins 2019 og svo aftur frá 2020 og til októbermánaðar síðastliðinn.

Kurz sagði af sér í október vegna gruns um að hann hafi nýtt skattfé til að kaupa og hafa áhrif á skoðanakannanir, en opinber rannsókn á málinu stendur enn yfir.

Austurríki

Tengdar fréttir

Kanslari Austur­ríkis stígur til hliðar

Sebastian Kurz, kanslari Austurríkis, hefur ákveðið að segja af sér embættinu í kjölfar mikils þrýstings um það vegna hneykslismáls sem hann og flokkur hans tengjast.

Mest lesið


Fleiri fréttir

Sjá meira


×

Mest lesið