Elton John og Ed Sheeran gefa út jóla­lag

Sheeran birti myndbandstilkynningu þess efnis á Youtube-síðu sinni í dag. Myndbandið er skýr vísun í eina þekktustu jólamynd allra tíma, Love Actually. Sheeran flettir þar skiltum líkt og leikarinn Andrew Lincoln gerði svo eftirminnilega í myndinni.

Á skiltunum segir að hann hafi fengið símtal frá vini sínum Elton John síðustu jól þar sem hann bar upp hugmynd um að þeir myndu semja saman jólalag.

Sheeran hafi sagst geta gert það jólin 2022 en í raun hafi hann samið laglínuna samdægurs. Afraksturinn, Merry Christmas, komi út á föstudaginn. 

Þó lofar hann að jólabjöllur leiki stórt hlutverk í laginu.

Myndbandið má sjá hér að neðan.