Kvöldfréttir Stöðvar 2

Árni Sæberg skrifar 29. nóvember 2021 18:10

Telma Tómasson les fréttir klukkan hálf sjö. Stöð 2

Lyklar og aðgangskort voru afhent níu ráðherrum sem tóku við nýjum ráðuneytum í morgun. Þeir voru allir sáttir með ný hlutverk og ætla sér stóra hluti á komandi kjörtímabili. Í kvöldfréttum fylgjumst við með lyklaskiptunum í morgun og ræðum við þingmenn stjórnarandstöðunnar í beinni útsendingu – sem missa formennsku í þingnefndum á kjörtímabilinu.

Þá heyrum við í forstjóra Landspítalans, Landvernd og formanni Öryrkjasambandsins um áherslur í stjórnarsáttmálanum. Framkvæmdastjóri Landverndar er vonsvikinn og segir náttúru Íslands fjarverandi í sáttmálanum.

Einnig fylgjum við sóttvarnalækni í örvunarbólusetningu og ræðum við hann um ómíkrón afbrigðið sem Alþjóðaheilbrigðismálastofnunin hefur þungar áhyggjur af. Hann segir enn ekki ljóst hversu vel bóluefnin virka á afbrigðið.

Þá heyrum við í gangandi vegfarendum um lýsingu á götum borgarinnar og skoðum veggjalist í íbúðarhverfum.

Þetta og margt fleira á samtengdum rásum Bylgjunnar og Stöðvar 2 klukkan 18:30.

Kvöldfréttir Stöðvar 2

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.