Veður

Tvö veðra­kerfi mynda öflugan vind­streng á austur­hluta landsins

Atli Ísleifsson skrifar
Frá Seyðisfirði. Reikna má með öflugum vinstreng á austurhluta landsins í dag.
Frá Seyðisfirði. Reikna má með öflugum vinstreng á austurhluta landsins í dag. Vísir/Egill

Víðáttumikil hæð langt suður í hafi og kröpp lægð skammt austur af landi mynda öflugan vindstrengur á austurhluta landsins. Því gengur á með norðvestanstormi eða -roki á sunnanverðum Austfjörðum og undir Vatnajökli.

Gular og appelsínugular veðurviðvaranir vegna hvassviðri eru í gildi þar til hádegis, en fer síðan að lægja smám saman. Dálítil él norðaustanlands fram eftir degi en annars yfirleitt léttskýjað og víða talsvert frost í dag, eitt til tíu stig og kaldast inn til landsins.

Þetta kemur fram á vef Veðurstofunnar

„Á morgun er spáð hægum vindum með smá éljum á víð og dreif, en jafnvel rigningu syðst um tíma og heldur hærri hitatölum. Á sunnudag nálgast síðan ný lægð, sem hreyfist austur yfir landið með tilheyrandi úrkomu í öllum landshlutum.“

Bjart veður verður á stórum hluta landsins í dag. En víða er kalt.Veðurstofan

Veðurhorfur á landinu næstu daga

Á laugardag: Norðlæg eða breytileg átt, 3-10 m/s og él, en bjart með köflum SA-lands. Frost víða 0 til 8 stig, en frostlaust við suður- og vesturströndina og sums staðar væta þar.

Á sunnudag: Gengur í suðaustan og austan 8-13 m/s með rigningu eða slyddu og hita kringum frostmark, en snjókomu og vægu frosti NA-til.

Á mánudag: Útlit fyrir vaxandi austanátt með snjókomu eða slyddu, en úrkomulítið NA-til. Svalt í veðri.

Á þriðjudag: Snýst líklega í stífa norðanátt með úrkomu í flestum landshlutum. Áfram svalt í veðri.

Á miðvikudag (fullveldisdagurinn): Líklega hægir vindar og bjart veður, en talsvert frost á öllu landinu.

Á fimmtudag: Reikna má með vaxandi suðaustanátt með snjókomu eða slyddu, en síðar rigningu og hlýnandi veðri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.