Fótbolti

Lopez tryggði Sassuolo dramatískan sigur gegn Juventus

Hjörtur Leó Guðjónsson skrifar
Maxime Lopez skorar sigurmarkið í kvöld.
Maxime Lopez skorar sigurmarkið í kvöld. Valerio Pennicino/Getty Images

Maxime Lopez reyndist hetja Sassuolo er liðið heimsótti Juventus í ítölsku úrvalsdeildinni í fótbolta í kvöld. Hann tryggði gestunum 2-1 sigur með marki á fimmtu mínútu uppbótartíma.

Davide Frattesi kom gestunum í 1-0 forystu stuttu fyrir hálfleik og þannig var staðan þegar gengið var til búningsherbergja.

Weston McKennie jafnaði metin fyrir Juventus á 76. mínútu eftir stoðsendingu frá Paulo Dybala, en Maxime Lopez sá til þess að það voru liðsmenn Sassuolo sem tóku stigin þrjú með sér heim er hann tryggði sínum mönnum 2-1 sigur á 95. mínútu.

Með sigrinum fór Sassuolo upp í níunda sæti deildarinnar með 14 stig, aðeins einu stigi minna en Juventus sem situr í áttunda sæti.

Á sama tíma fóru tveir aðrir leikir fram í ítölsku deildinni, en Udinese og Verona gerðu 1-1 jafntefli, og Atalanta van góðan 3-1 útisigur gegn Sampdoria.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.