Enski boltinn

Stað­festa að Bis­souma hafi verið leik­maðurinn sem var hand­tekinn

Runólfur Trausti Þórhallsson skrifar
Yves Bissouma var handtekinn í vikunni.
Yves Bissouma var handtekinn í vikunni. Robin Jones/Getty Images

Í liðinni viku var greint frá því að leikmaður ensku úrvalsdeildarinnar hafi verið handtekinn gegna gruns um kynferðisbrot. Nú hefur verið staðfest að umræddur leikmaður sé Yves Bissoume, miðjumaður Brighton & Hove Albion.

Enska götublaðið The Sun nafngreindi Bissouma fyrst allra blaða og fjölmiðla. Myndband hafði verið í dreifingu á samfélagsmiðlum þar sem Bissouma sást leiddur út í handjárnum aðfaranótt miðvikudags.

Hinn 25 ára gamli Bissouma eyddi sólahring í varðhaldi en var svo látinn laus gegn tryggingu og ku vera aðstoða lögreglu við rannsókn málsins. Hann var handtekinn ásamt öðrum karlmanni á fimmtugsaldri.

Fyrstu fréttir sem bárust af málinu sögðu að báðir menn væru grunaði um að hafa brotið á konu á skemmtistað í Brighton.

Rannsókn stendur yfir og mun koma í ljós á næstu dögum hver framvinda málsins verður.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.