Innlent

Þing­maður segir að Saab-inn hafi alltaf verið bíll fyrir „sér­vitringa“

Elísabet Inga Sigurðardóttir skrifar
Nýr þingmaður keyrir um á sjaldgæfum Saab bíl.
Nýr þingmaður keyrir um á sjaldgæfum Saab bíl. egill aðalsteinsson

Þingmaðurinn Tómas Tómasson keyrir um á sjaldgæfum Saab bíl. Bíllinn vekur athygli á götum borgarinnar og er að sögn eigandans ökutæki fyrir sérvitringa.

Margir Íslendingar áttu á árum áður Saab-bifreiðar. Í dag hefur framleiðslunni verið hætt, en nýr þingmaður ekur enn um á slíkum bíl.

„Það eru til þrír svona bílar á landinu. Tommi á tvo þeirra og við ætlum að kíkja í bíltúr.“

„Saab-inn toppar allt“

Bíllinn er árgerð 2011 en jafnast að sögn Tomma á við splunkunýjan Benz.

„Ég hef átt marga fína og flotta bíla yfir ævina en þessi toppar allt. Saab-inn hefur alltaf verið bíll fyrir sérvitringa. Það eru allir sammála um það að Saabinn er góður en það eru samt sem áður ekki allir tilbúnir að eiga saab. Þeim finnst það svolítið sveitó, en samt kúl. Hann er svolítið eins og Volvo, en hann er betri en Volvo,“ segir Tómas Tómasson, þingmaður.

Ert þú sérvitur?

„Ég er mikill sérvitringur. Þegar ég var yngri var ég talinn skrítinn, en í dag er ég talinn sérvitur en ég hef ekkert breyst,“ segir Tommi og hækkar í Eagles.

Tommi hlustar á Eagles á meðann hann keyrir um götur bæjarins.stöð2

Þú átt tvo af þremur bílum. Það mætti segja að þú værir Saab-kóngurinn? 

„Já þessi bíll er fjórhjóladrifinn, hann er með topplúgu.“

Já og almennt bara geggjaður.

Nú ert þú kominn á þing. Sem mikill Saab-maður, ætlar þú að beita þér fyrir bifreiðunum á þingi?

„Ég ætla að minnast á Saab-inn um leið og ég get en það þarf að vera rétta mómentið.“



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×