Auðvelt hjá Chelsea í fyrsta leik

Chelsea, sem margir spá góðu gengi á tímabilinu voru án Romelu Lukaku sem var keyptur til liðsins frá inter Milan fyrir skemmstu. Það kom þó ekki að sök því að þeir bláklæddu höfðu tögl og haldir allan leikinn og unnu að lokum 3-0 sigur.

Bláliðar stilltu upp þriggja manna varnarlínu í dag með Cesar Azpilicueta og Marcus Alonso í vængbakvörðunum. Það voru líka óvænt tíðindi að sjá hinn unga Trevoh Chalobah í vörninni en hann hefur verið á hinum ýmsu lánum undanfarin ár. Timo Werner var svo í fremstu víglínu hjá Chelsea ásamt Pulisic og Mason Mount.

Á 27. mínútu skoraði Marcus Alonso glæsilegt mark beint úr aukaspyrnu og Christian Pulisic bætti við marki áður en hálfleiknum lauk. Það var svo Chabolah sem þakkaði fyrir traustið á 58. mínútu með bylmingsskoti fyrir utan teig. 3-0 reyndust svo lokatölur leiksins.

Önnur úrslit í ensku úrvalsdeildinni í leikjunum sem hófust klukkan 14:00 voru eftirfarandi:

Everton 3 - 1 Southampton

Burnley 1 - 2 Brighton

Leicester 1 - 0 Wolves

Watford 3 - 2 Aston Villa