Ætla að kæra Barnaland til lögreglu Vésteinn Örn Pétursson skrifar 14. júní 2021 11:47 Fjölskyldan hér í fjallgöngu. Brynjar, Aníta (t.v.) og Brynja. Aðsend Faðir stúlku sem týndist þegar hún var í pössun í Barnalandi í Smáralind í gær gerir ráð fyrir að kæra atvikið til lögreglu. Hann segir ekki liggja fyrir hversu langur tími leið frá því dóttir hans yfirgaf barnagæsluna og þar til hún fannst allt annars staðar í verslunarmiðstöðinni. Brynjar Þór Sigurðsson, faðir hinnar fjögurra ára gömlu Anítu, vakti fyrst máls á atvikinu með Facebook-færslu sem hann birti í gær. Hann segir í samtali við fréttastofu að viðbrögðin við færslu hans bendi til þess að sambærileg atvik hafi áður komið upp í umræddri barnagæslu. Barnalandinu hefur nú verið tímabundið lokað í kjölfar atviksins, til þess að betrumbæta verkferla og tryggja að slíkt geti ekki gerst aftur, að því er fram kom í tilkynningu frá Smárabíói, sem rekur Barnalandið. Brynjar hefur þó efasemdir um viðbrögðin. „Það hringdi kona frá þeim í mig seint í gærkvöldi, voðalega sorrí yfir þessu, og sagði að þau ætluðu að loka. Maður bara trúir því þegar maður sér það. Það hafa komið upp svo mörg mál þarna og aldrei neitt verið gert. Við ætlum alla leið með þetta,“ segir Brynjar. Með því að fara alla leið á hann við að málið verði kært til lögreglu, en hann á tíma í skýrslutöku hjá lögreglunni á höfuðborgarsvæðinu á miðvikudag vegna málsins. „Það virðist ekkert gert nema það sé farið í hart.“ Fór á milli hæða Í Facebook-færslunni umræddu lýsir Brynjar því að hann og eiginkona hans, Brynja H. Pétursdóttir, hafi verið í Smáralind ásamt dóttur sinni, Anítu. Sú síðastnefnda hafi fengið að fara í Barnaland. Hjónin hafi greitt fyrir klukkustundarlanga pössun og snúið til baka klukkustund síðar, til þess að leyfa dóttur sinni að verja hálftíma í viðbót í barnagæslunni. Þá hafi hjónin tekið eftir því að skór dóttur sinnar væru ekki þar sem þeir áttu að vera, og töldu fyrst að þeim hefði verið stolið. Fljótt hafi þó komið í ljós að dóttir þeirra væri hreinlega farin af svæðinu, og virtust starfsmenn lítið vita um málið. Dóttir þeirra fannst að endingu við þjónustuborðið í Hagkaupum, en til þess að komast þangað þurfti hún meðal annars að fara á milli hæða með rúllustiga. Brynjar er afar óánægður með viðbrögð starfsmanna barnagæslunnar á meðan hann og konan hans leituðu dóttur sinnar. „Starfsliðið sagði ekki neitt. Það hélt bara áfram að afgreiða og eitthvað,“ segir Brynjar og bætir við að hann og konan hans hafi þurft að beina því til starfsfólks að láta það ganga fyrir að finna týnt barn. Í „blakkáti“ meðan á leitinni stóð Brynjar segir ekki liggja fyrir hvað leið langur tími frá því dóttir hans fór á flakk um Smáralindina og þangað til hún fannst. „Við látum hana inn klukkan hálf fjögur og komum aftur rétt fyrir hálf fimm. Hún gæti þess vegna hafa verið á röltinu þarna heillengi. Hún þarf að fara þarna niður rúllustiga og þetta er heilmikil vegalengd fyrir svona lítið barn.“ Aðspurður áætlar Brynjar að um fimmtán mínútur hafi liðið frá því í ljós kom að dóttir hans væri horfin og þar til hún kom í leitirnar. Hann geti þó ekki sagt það með vissu, enda verið í hálfgerðu „blakkáti“ meðan á leitinni stóð, enda í talsverðu áfalli vegna málsins. Brynjar segir ekki annað koma til greina en að fara með málið alla leið. „Það verður bara að skylda þau til að taka þetta í gegn eða loka þessu,“ segir Brynjar og bætir við að hann voni að niðurstaða málsins verði sú að þessi mál komist í lag og ekkert þessu líkt komi fyrir aftur. Börn og uppeldi Smáralind Kópavogur Lögreglumál Mest lesið Útlit fyrir mestu snjókomu í október í manna minnum Innlent Erfitt að segja til um viðbrögð við nýjum faraldri miðað við Covid-viðbrögð Innlent Um 140 umsækjendur um alþjóðlega vernd týndir og eftirlýstir Innlent Allt að þriggja tíma bið í dekkjaskipti Innlent Matarbankar segjast ekki munu anna eftirspurninni Erlent Hófu ekki rannsókn á heimilisofbeldi fyrir misskilning Innlent Komu innlyksa mæðginum til bjargar í Landmannalaugum Innlent Garðheimar ljósið í myrkrinu við meinta gímaldsgötu Innlent Gular viðvaranir vegna snjókomunnar suðvestantil Veður Tilkynntu Terra og Kubb eftir fundi með sveitarfélögum Viðskipti innlent Fleiri fréttir Ófremdarástandi lýst: Þrír stjórar í leyfi, einelti og hrun í starfsánægju Bíða í allt að þrjá tíma: „Ætli það sé ekki bara helvítis veðurspáin“ Alger óvissa í lánamálum og margra tíma bið eftir dekkjaskiptum Kláfur á Ísafirði fari í opinbera kynningu Hófu ekki rannsókn á heimilisofbeldi fyrir misskilning Erfitt að segja til um viðbrögð við nýjum faraldri miðað við Covid-viðbrögð Allt að þriggja tíma bið í dekkjaskipti Komu innlyksa mæðginum til bjargar í Landmannalaugum Um 140 umsækjendur um alþjóðlega vernd týndir og eftirlýstir Garðheimar ljósið í myrkrinu við meinta gímaldsgötu Útlit fyrir mestu snjókomu í október í manna minnum Brennu–Njáls saga vekur alltaf lukku í Hvolsskóla Bresk freigáta í Akureyrarhöfn Beittur piparúða í fangaklefa, hótað með rafbyssu og sveltur Beittur piparúða, hótað með rafbyssu og sveltur í fangaklefa Sendiferðabíll í ljósum logum á Reykjanesbraut Íris segist ekki sækjast eftir sæti í Hafnarfirði Ástarbréf eru velkomin á héraðsskjalasöfn landsins Nafn mannsins sem lést vegna voðaskots Hinna látnu minnst í Flateyrarkirkju Sorg á Flateyri og rússnesk kjarnorkueldflaug Er enn að vinna úr því að hafa lifað Pirraðir læknar, efnahagurinn eftir áföll og húsnæði og lánakjör Reyndi að stinga af en endaði utan í vegriði Kynferðisbrotum sem leiða til greiðslu bóta hefur fjölgað verulega Fólk hafi dreymt um að eignast flugstjóradress Áhugasamir smalahundar á námskeiði Eldur í bíl á Seltjarnarnesi Meirihluti fólks geti ekki keypt íbúð í nýju lánakerfi sem sé að teiknast upp Nánast enginn fái að kaupa íbúð Sjá meira
Brynjar Þór Sigurðsson, faðir hinnar fjögurra ára gömlu Anítu, vakti fyrst máls á atvikinu með Facebook-færslu sem hann birti í gær. Hann segir í samtali við fréttastofu að viðbrögðin við færslu hans bendi til þess að sambærileg atvik hafi áður komið upp í umræddri barnagæslu. Barnalandinu hefur nú verið tímabundið lokað í kjölfar atviksins, til þess að betrumbæta verkferla og tryggja að slíkt geti ekki gerst aftur, að því er fram kom í tilkynningu frá Smárabíói, sem rekur Barnalandið. Brynjar hefur þó efasemdir um viðbrögðin. „Það hringdi kona frá þeim í mig seint í gærkvöldi, voðalega sorrí yfir þessu, og sagði að þau ætluðu að loka. Maður bara trúir því þegar maður sér það. Það hafa komið upp svo mörg mál þarna og aldrei neitt verið gert. Við ætlum alla leið með þetta,“ segir Brynjar. Með því að fara alla leið á hann við að málið verði kært til lögreglu, en hann á tíma í skýrslutöku hjá lögreglunni á höfuðborgarsvæðinu á miðvikudag vegna málsins. „Það virðist ekkert gert nema það sé farið í hart.“ Fór á milli hæða Í Facebook-færslunni umræddu lýsir Brynjar því að hann og eiginkona hans, Brynja H. Pétursdóttir, hafi verið í Smáralind ásamt dóttur sinni, Anítu. Sú síðastnefnda hafi fengið að fara í Barnaland. Hjónin hafi greitt fyrir klukkustundarlanga pössun og snúið til baka klukkustund síðar, til þess að leyfa dóttur sinni að verja hálftíma í viðbót í barnagæslunni. Þá hafi hjónin tekið eftir því að skór dóttur sinnar væru ekki þar sem þeir áttu að vera, og töldu fyrst að þeim hefði verið stolið. Fljótt hafi þó komið í ljós að dóttir þeirra væri hreinlega farin af svæðinu, og virtust starfsmenn lítið vita um málið. Dóttir þeirra fannst að endingu við þjónustuborðið í Hagkaupum, en til þess að komast þangað þurfti hún meðal annars að fara á milli hæða með rúllustiga. Brynjar er afar óánægður með viðbrögð starfsmanna barnagæslunnar á meðan hann og konan hans leituðu dóttur sinnar. „Starfsliðið sagði ekki neitt. Það hélt bara áfram að afgreiða og eitthvað,“ segir Brynjar og bætir við að hann og konan hans hafi þurft að beina því til starfsfólks að láta það ganga fyrir að finna týnt barn. Í „blakkáti“ meðan á leitinni stóð Brynjar segir ekki liggja fyrir hvað leið langur tími frá því dóttir hans fór á flakk um Smáralindina og þangað til hún fannst. „Við látum hana inn klukkan hálf fjögur og komum aftur rétt fyrir hálf fimm. Hún gæti þess vegna hafa verið á röltinu þarna heillengi. Hún þarf að fara þarna niður rúllustiga og þetta er heilmikil vegalengd fyrir svona lítið barn.“ Aðspurður áætlar Brynjar að um fimmtán mínútur hafi liðið frá því í ljós kom að dóttir hans væri horfin og þar til hún kom í leitirnar. Hann geti þó ekki sagt það með vissu, enda verið í hálfgerðu „blakkáti“ meðan á leitinni stóð, enda í talsverðu áfalli vegna málsins. Brynjar segir ekki annað koma til greina en að fara með málið alla leið. „Það verður bara að skylda þau til að taka þetta í gegn eða loka þessu,“ segir Brynjar og bætir við að hann voni að niðurstaða málsins verði sú að þessi mál komist í lag og ekkert þessu líkt komi fyrir aftur.
Börn og uppeldi Smáralind Kópavogur Lögreglumál Mest lesið Útlit fyrir mestu snjókomu í október í manna minnum Innlent Erfitt að segja til um viðbrögð við nýjum faraldri miðað við Covid-viðbrögð Innlent Um 140 umsækjendur um alþjóðlega vernd týndir og eftirlýstir Innlent Allt að þriggja tíma bið í dekkjaskipti Innlent Matarbankar segjast ekki munu anna eftirspurninni Erlent Hófu ekki rannsókn á heimilisofbeldi fyrir misskilning Innlent Komu innlyksa mæðginum til bjargar í Landmannalaugum Innlent Garðheimar ljósið í myrkrinu við meinta gímaldsgötu Innlent Gular viðvaranir vegna snjókomunnar suðvestantil Veður Tilkynntu Terra og Kubb eftir fundi með sveitarfélögum Viðskipti innlent Fleiri fréttir Ófremdarástandi lýst: Þrír stjórar í leyfi, einelti og hrun í starfsánægju Bíða í allt að þrjá tíma: „Ætli það sé ekki bara helvítis veðurspáin“ Alger óvissa í lánamálum og margra tíma bið eftir dekkjaskiptum Kláfur á Ísafirði fari í opinbera kynningu Hófu ekki rannsókn á heimilisofbeldi fyrir misskilning Erfitt að segja til um viðbrögð við nýjum faraldri miðað við Covid-viðbrögð Allt að þriggja tíma bið í dekkjaskipti Komu innlyksa mæðginum til bjargar í Landmannalaugum Um 140 umsækjendur um alþjóðlega vernd týndir og eftirlýstir Garðheimar ljósið í myrkrinu við meinta gímaldsgötu Útlit fyrir mestu snjókomu í október í manna minnum Brennu–Njáls saga vekur alltaf lukku í Hvolsskóla Bresk freigáta í Akureyrarhöfn Beittur piparúða í fangaklefa, hótað með rafbyssu og sveltur Beittur piparúða, hótað með rafbyssu og sveltur í fangaklefa Sendiferðabíll í ljósum logum á Reykjanesbraut Íris segist ekki sækjast eftir sæti í Hafnarfirði Ástarbréf eru velkomin á héraðsskjalasöfn landsins Nafn mannsins sem lést vegna voðaskots Hinna látnu minnst í Flateyrarkirkju Sorg á Flateyri og rússnesk kjarnorkueldflaug Er enn að vinna úr því að hafa lifað Pirraðir læknar, efnahagurinn eftir áföll og húsnæði og lánakjör Reyndi að stinga af en endaði utan í vegriði Kynferðisbrotum sem leiða til greiðslu bóta hefur fjölgað verulega Fólk hafi dreymt um að eignast flugstjóradress Áhugasamir smalahundar á námskeiði Eldur í bíl á Seltjarnarnesi Meirihluti fólks geti ekki keypt íbúð í nýju lánakerfi sem sé að teiknast upp Nánast enginn fái að kaupa íbúð Sjá meira