Innlent

Allt að sautján stigum á Norðausturlandi

Gunnar Reynir Valþórsson skrifar
Hitatölur gætu náð sautján stigum á Húsavík.
Hitatölur gætu náð sautján stigum á Húsavík. Vísir/Vilhelm Gunnarsson

Veðurstofan spáir minnkandi sunnanátt vestantil á landinu og verður hæg suðlæg átt og áfram skúrir á þeim slóðum síðdegis.

Á austanverðu landinu verður víða sunnan 8-13 m/s og talsverð rigning á Suðausturlandi en þurrt og bjart norðaustantil á landinu. Hiti 7 til 12 stig en allt að 17 stigum á Norðausturlandi.

Í kvöld og í nótt á að lægja og stytta upp á landinu öllu en á morgun nálgast hinsvegar næsta lægð. Eftir hádegi á morgun gengur í strekkingssuðaustanátt með dálítlilli rigningu sunnan- og vestanlands en áfram verður þurrt og bjart norðaustantil á landiu.

Í hugleiðingum veðurfræðings segir að næstu daga sé svo áfram útlit fyrir suðlægar áttir með vætu af og til, en lengst af þurrt og hlýtt í veðri á Norðaustur- og Austurlandi.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið