Innlent

Miklar umferðartafir í Ártúnsbrekku: Einn fluttur á slysadeild eftir árekstur tveggja strætisvagna

Hólmfríður Gísladóttir skrifar
Ljóst er að strætisvagninn hefur orðið fyrir nokkru tjóni. 
Ljóst er að strætisvagninn hefur orðið fyrir nokkru tjóni.  Vísir/Eríkur Stefán

Lögreglan á höfuðborgarsvæðinu vill vekja athygli á að miklar umferðartafir eru á Vesturlandsvegi í Ártúnsbrekku á leið vestur vegna umferðarslyss.

Þetta kemur fram í tilkynningu frá lögreglunni. 

Samkvæmt upplýsingum frá Strætó er um að ræða árekstur tveggja strætisvagna. 

Slysið kom til með þeim hætti að ökumaður annars vagnsins neyddist til að hemla vegna vinnuvélar á veginum, með þeim afleiðingum að sá sem var á eftir ók aftan á hann.

Klippa þurfti bílstjóra seinni vagnsins úr honum og var hann fluttur á slysadeild.

Engir farþegar voru í vögnunum en þeir voru á leiðinni á Hlemm. Einhverjar tafir urðu á leiðum 1 og 2 vegna slyssins en ferðir eru að komast í samt horf.

Uppfært kl. 09.40:

Samkvæmt heimildum Vísis gengur umferð nú greiðlega í brekkunni.

Lögreglumál Umferð Samgönguslys Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið