Fótbolti

Allir leikir Pepsi Max deildanna í beinni útsendingu

Eiríkur Stefán Ásgeirsson skrifar
Nú verður hægt að horfa á alla leiki Pepsi Max deild karla og kvenna í beinni sjónvarpsútsendingu.
Nú verður hægt að horfa á alla leiki Pepsi Max deild karla og kvenna í beinni sjónvarpsútsendingu. Vísir/Vilhelm

Allir leikir Pepsi Max deildar karla og kvenna verða aðgengilegir í beinni útsendingu fyrir áskrifendur Stöðvar 2 Sports í gegnum vefsjónvarp á stod2.is.

Um nýjung er að ræða í sjónvarpsþjónustu við áskrifendur Stöðvar 2 Sports en aldrei fyrr hafa allir leikir í Pepsi Max deildunum verið sýndir í beinni útsendingu.

Sem fyrr verða valdir leikir sýndir á sportstöðvum Stöðvar 2 en aðrir leikir verða nú aðgengilegir á heimasíðu Stöðvar 2, stod2.is.

Áskrifendur Stöðvar 2 Sports skrá sig inn á vefsjónvarpinu á stod2.is og verður þar hægt að nálgast „Pepsi Max sjónvarpsheiminn“. Þar verður hægt að horfa á alla leiki beggja deilda í beinni útsendingu – hvort sem þeir eru sýndir á sportstöðvum Stöðvar 2 eða ekki.

Þar verður einnig hægt að nálgast upptökur fyrri leikja sem og þátta Stöðvar 2 Sports, Pepsi Max Stúkuna og Pepsi Max Mörkin.

Hér er hægt að kynna sér umrædda þjónustu nánar.

Vísir er í eigu Sýnar sem á og rekur Stöð 2 Sport.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.