Björgunarsveitir leita að tveimur göngumönnum við gosstöðvarnar

Hallgerður Kolbrún E. Jónsdóttir skrifar 8. apríl 2021 22:12

Tveggja göngumanna er leitað við gosstöðvarnar. Vísir/Vilhelm

Allar björgunarsveitir á suðvesturhorninu og Árnessýslu hafa verið kallaðar út vegna tveggja göngumanna sem eru týndir á gossvæðinu við Geldingadali. Hjálparbeiðni barst frá göngumönnunum sjálfum rétt fyrir klukkan tíu og leit er hafin.

Aðgerðastjórn í Grindavík hefur þegar hafið störf vegna útkallsins og þeir björgunarsveitarhópar sem voru á svæðinu hafa hafið leit að göngumönnunum og eru þegar mættir að gosstöðvum. Aðrar björgunarsveitir eru á leið á staðinn. Þetta staðfestir Davíð Bjarnason, upplýsingafulltrúi Landsbjargar, í samtali við fréttastofu.

Um leið og hjálparbeiðni barst sendi aðgerðastjórn í Grindavík björgunarsveitarfólk sem var við gosstöðvarnar af stað í leit og sendu strax út útkall til annarra björgunarsveita.

„Það eru strax mættir hópar upp að gosstöðvunum sem hafa þegar hafið leit að þessum mönnum,“ segir Davíð.

„Af því að það næst enn eitthvað símasamband við þá er verið að vinna í því að staðsetja þá með einhverjum vísbendingum,“ segir Davíð.

Eldgos og jarðhræringar Eldgos í Fagradalsfjalli Björgunarsveitir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.