Íslenski boltinn

Breiða­blik með fullt hús stiga og stór­sigrar hjá Kefla­vík og HK

Anton Ingi Leifsson skrifar
Breiðablik og Fylkir áttust við í dag.
Breiðablik og Fylkir áttust við í dag. vísir/hulda margrét

Breiðablik er komið áfram í átta liða úrslit Lengjubikarsins eftir 2-1 sigur á Fylki í fjórða riðli A-deildar karla.

Blikarnir komust yfir á tólftu mínútu en skömmu fyrir hlé jöfnuðu Fylkismenn.

Ragnar Bragi Sveinsson fékk að líta rauða spjaldið á 63. mínútu og skoruðu Blikarnir sigurmarkið níu mínútum fyrir leikslok.

Breiðablik er með tólf stig eftir leikina fimm en Fylkismenn eru í öðru sætinu, með níu stig.

Þeir fara áfram á betri markahlutfalli en Leiknir sem er einnig með níu stig.

Keflavík burstaði ÍA, 4-1, í Reykjaneshöllinni. Rúnar Þór Sigurgeirsson (tvö mörk) og Davíð Snær Jóhannsson komu Keflavík í 3-0.

Ísak Snær Þorvaldsson minnkaði muninn tólf mínútum fyrir leikslok en Ástbjörn Þórðarson skoraði fjórða mark Keflvíkinga áður en yfir lauk.

Keflavík er komið áfram í átta liða úrslitin. Þeir enda í öðru sætinu með tíu stig en ÍA endar í því þriðja með sjö.

HK vann svo öruggan 5-0 sigur á Víkingi Ólafsvík í Kórnum. HK er því með tíu stig í öðru sætinu en KA getur skotist upp fyrir þá með sigri gegn Grindavík síðar í kvöld.

Ólsarar fengu ekki stig í Lengjubikarnum þetta árið og enduðu með markatöluna 2:19.

Úrslit og markaskorar eru fengnir frá úrslit.net.




Fleiri fréttir

Sjá meira


×