Erlent

Loka öllum skólum í Kol­ding og senda alla eldri en tólf ára í skimun

Atli Ísleifsson skrifar
Bjert Strand nærri Kolding. Myndin er úr safni.
Bjert Strand nærri Kolding. Myndin er úr safni. Getty

Ríkisstjórn Danmerkur hefur fyrirskipað að loka skuli öllum skólum og stofnunum í bænum Kolding á Jótlandi eftir að mikill fjöldi fólks hefur greinst með kórónuveiruna síðustu daga.

Frá þessu greinir á vef DR þar sem vísað er í tilkynningu frá heilbrigðisráðuneyti landsins.

Ákvörðunin er tekið að höfðu samráði við sveitarstjórnaryfirvöld. Skal öllum skólum og stofnunum lokað til og með síðasta dags febrúarmánaðar.

Síðustu vikuna hafa 234 íbúar í Kolding greinst með kórónuveiruna og hafa sérstaklega margir greinst með hið svokallaða breska afbrigði veirunnar.

Þá hefur því verið beint til íbúa í Kolding að allir eldri en tólf ára ættu að gangast undir skimun til að betur sé hægt að ná utan um útbreiðsluna.

Danmörk Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið