Fótbolti

FCK-ger­semin Ragnar Sigurðs­son: „Þurfum fleira fólk eins og Ragnar í fót­boltann“

Anton Ingi Leifsson skrifar
Ragnar lék marga stóra leiki með FCK. Þar á meðal í Meistaradeildinni gegn Real Madrid.
Ragnar lék marga stóra leiki með FCK. Þar á meðal í Meistaradeildinni gegn Real Madrid. getty/lars ronbog/valerio pennicino/denis doyle

Ragnar Sigurðsson er ekki lengur leikmaður FCK en hann verður alltaf minnst sem einum af ástsælli leikmönnum félagsins. Svo miklum metum er hann hjá stuðningsmönnum liðsins eftir tæplega fjögurra ára veru, í tveimur hlutum.

Ragnar gekk í síðustu viku til úkraínska liðsins Rukh Lviv, einu ári eftir endurkomuna til Kaupmannahafnar. Hann skrifaði undir samning fram á sumar í Úkraínu með möguleika á einu ári til viðbótar.

Þegar tilkynnt var um að Ragnar hafi verið seldur til Úkraínu flykktust stuðningsmenn FCK bæði á Twitter og Facebook og kvöddu kappann. „Á, hjartað í mér,“ skrifaði einn og annar bætti við „Við þurfum fleira fólk eins og Ragnar í fótboltann.“

Saga Ragnar í Kaupmannahöfn er í raun einstök. Ekki margir knattspyrnumenn í Danmörku, og víðar, hafa skilað eins mikið eftir sig eins og Ragnar gerði í Danmörku eftir að hann kom til félagsins frá IFK Gautaborg í maí 2011.

Ragnar var fljótur að slá í gegn hjá Kaupmannahöfn, rétt eins og í Gautaborg, en frá fyrsta degi lagði hann sig mikið fram í að sýna stuðningsmönnum félagsins mikla virðingu. Ekki eru margir erlendir leikmenn sem koma til Kaupmannahafnarliðsins sem skilja eins mikið eftir sig.

Fylkismaðurinn talaði opinskátt um hvað honum þætti vænt um borgina líka en ef eitthvað slær í gegn hjá stuðningsmönnum þessara félags þá er það þegar leikmenn tala vel um félagið og borgina. Virðingin fyrir borgina, Kaupmannahöfn, er nefnilega ansi stór partur.

„Ragnar mun vera minnst frá fyrra tíð sinni hjá félaginu, frá júlí 2011 til janúar 2014, þar sem hann var glimrandi varnarmaður,“ sagði ritstjóri Tipsbladet, Kenneth Jensen, er Vísir sló á þráðinn til hans og bað hann um að lýsa veru Ragnars í danska höfuðstaðnum.

„Hann vann „bara“ einn meistaratitil og einn bikarmeistaratitil en Ragnar var og er enn vel liðinn í Kaupmannahöfn, ekki síst vegna þess að hann fór fremstur í baráttunni sinni og hvernig hann spilaði,“ bætti Kenneth við.

Eins og Kenneth segir þá vann Ragnar „bara“ einn meistaratitil og einn bikarmeistaratitil í sinni fyrri tíð þar sem hann var í tvö og hálft ár. Hann myndaði frábært miðvarðarteymi með Sölva Geir Ottesen tímabilið 2011/2012 er liðið varð meistari.

Í janúar 2014 lá leiðin hins vegar í rússneska boltann þar sem Krasnodar keypti hann. Eftir það var það enski boltinn, en hann lék með Rubin Kazan og Rostov áður en hann snéri aftur til FCK í janúar 2020.

Hann lék ekki marga deildarleiki fyrri part árs en hann var lykilþáttur í því að FCK sló út Celtic í 16-liða úrslitum Evrópudeildarinnar. Hann og Victor Nelsson spiluðu frábærlega í sigri FCK á útivelli er þeir slógu óvænt út Skotana.

Ragnar hafði einungis spilað tvo leiki í dönsku úrvalsdeildinni áður en hann yfirgaf félagið nú í janúar. Það var þá líklegt að eftir að Ståle Solbakken var rekinn í október og Jess Thorup tók við liðinu að hann vildi hreinsa til í hópnum. Ragnar er einnig kominn á sín eldri ár og vill spila fótbolta reglulega, eins og hann sagði sjálfur í viðtali eftir að hann fór.

Nú bíður Ragnar nýtt ævintýri í Úkraínu. Varnarmaðurinn úr Árbæ, sem er með FCK stuðningsmanna húðflúr, verður seint, mögulega aldrei gleymdur í höfuðborg Danmerkur. Svo vinsæll er hann.


Tengdar fréttir

Ragnar seldur til Úkraínu

Landsliðsmiðvörðurinn Ragnar Sigurðsson hefur verið seldur frá FC Köbenhavn til úkraínska knattspyrnufélagsins Rukh Lviv. FCK hefur staðfest félagaskiptin.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.