Bagalegt að mega ekki kynna íþróttir í skólum Ingibjörg Bára Sveinsdóttir skrifar 12. júlí 2014 12:00 Gjaldfrjálsar íþróttaæfingar eru í boði á lóð Fellaskóla síðdegis á þriðjudögum og fimmtudögum. Vísir/Daníel „Bann við kynningu á starfsemi íþróttafélaga í skólum er mjög bagalegt, sérstaklega í hverfishlutum þar sem hátt hlutfall foreldra er ekki með íslensku sem móðurmál. Margir foreldrar hafa ekki yfirsýn yfir það sem er í boði.“ Þetta segir Haukur Þór Haraldsson, framkvæmdastjóri Íþróttafélags Reykjavíkur, ÍR. Öflugt samband var á milli íþróttafélaga og skóla áður en ákveðið var með reglugerð að banna að því er virðist aðallega lífsskoðunarfélögum að kynna starfsemi sína í skólum, eins og Haukur orðar það. „Það bann náði einnig til íþróttafélaga. Ég finn vilja hjá starfsmönnum skóla til að sambandið við íþróttafélögin verði eins og það var áður. Við höfum farið fram á það og þetta hefur verið rætt hjá skóla- og frístundasviði en til þessa hafa menn ekki verið tilbúnir að breyta þessu.“ Eva Dögg Guðmundsdóttir, stjórnandi verkefnis sem býður fríar íþróttaæfingar á lóð Fellaskóla í sumar og er styrkt af íþrótta- og tómstundaráði, sagði í Fréttablaðinu í gær að nýting frístundakortsins hefði verið miklu minni í hverfi 111 en í öðrum hverfum Reykjavíkur. Haukur segir foreldra hafa komið til sín sem ekki hafi vitað hvað hann var að tala um þegar hann nefndi frístundakortið við þá. „Ég get nefnt sem dæmi strák sem langaði að vera íþróttum hjá okkur eins og vinur hans. Strákurinn dró pabba sinn hingað niður eftir til að tala við mig. Þegar ég hafði útskýrt þetta fyrir föðurnum var hann hissa á því sem í boði var,“ greinir Haukur frá. Hann segir ÍR hafa fundið verulega fyrir því þegar lokað var á kynningar íþróttafélaga í skólunum. „Við fundum sérstaklega fyrir þessu haustið 2011 þegar við gátum ekki komið og kynnt vetrarprógrammið okkar eins og venjulega. Það var einkum áberandi hvað það komu færri á körfuboltaæfingar. Menn eru með miklar væntingar til okkar og gera kröfur en þegar við reynum að verða við þeim eru settar takmarkanir á okkur. Í Reykjavík eru níu hverfisfélög sem eru að baki tveimur þriðju hlutum allrar íþróttastarfsemi í borginni. Okkur finnst að hverfisfélög ættu að hafa aðgang að sínum hverfisskólum. Það þyrfti ekki þar með að opna aðgang fyrir 100 önnur félög.“ Það er mat Hauks að gjaldfrjálsu íþróttaæfingarnar á lóð Fellaskóla í sumar muni án efa bera árangur. „Þetta er mjög gott verkefni sem við erum ánægðir með.“ Við gerð reglna um kynningar í skólum var meðal annars stuðst við leiðbeinandi reglur talsmanns neytenda og umboðsmanns barna frá 2009 þar sem segir að engar auglýsingar skuli vera í grunnskólum eða leikskólum né önnur markaðssókn. „En þar segir líka að kynning á æskulýðs-, íþrótta- og tómstundastarfsemi sveitarfélaga sé heimil,“ segir Sigrún Sveinbjörnsdóttir, verkefnastjóri hjá skóla- og frístundasviði. Hún segir íþrótta- og tómstundaráð halda úti vef um íþrótta- og tómstundastarf fyrir börn og unglinga í borginni, itr.is/sumar, á sumrin og fristund.is á veturna, þar sem frjálsu félögin geti komið sínum tilboðum á framfæri. Skólastjóri tekur ákvörðun um hvort verkefni styrkt af Reykjavíkurborg verði kynnt í skólanum. Mest lesið Ræða mögulega við rútubílstjórann í dag Innlent Grunaður um kynferðisbrot gegn stjúpdóttur sinni Innlent Ummerki um að vegurinn hafi gefið sig Innlent Fólk sem ætlar að kjósa gegn Katrínu gæti lent í vandræðum Innlent Tók myndir af fólki á skemmtistað í leyfisleysi Innlent „Þessi iðnaður er með meira eða minna allt niður um sig“ Innlent Allir um borð í rútunni Íslendingar Innlent Segja þrjá hafa kastast út úr rútunni Innlent Tólf látin og tugir særð eftir árás á byggingavöruverslun Erlent Forsetavaktin 2024: Hver verður sjöundi forseti lýðveldisins? Innlent Fleiri fréttir Íslendingurinn enn á sjúkrahúsi í Bangkok Segja þrjá hafa kastast út úr rútunni Öruggast að sjóða neysluvatn á Flateyri Fólk sem ætlar að kjósa gegn Katrínu gæti lent í vandræðum Rútuslys í Rangárþingi og óvissa um brottflutning palestínsks drengs Ummerki um að vegurinn hafi gefið sig Malbika hægri akrein Reykjanesbrautar á morgun Áfengissala, forsetakosningar og neytendamál Ræða mögulega við rútubílstjórann í dag Tók myndir af fólki á skemmtistað í leyfisleysi Grunaður um kynferðisbrot gegn stjúpdóttur sinni „Þessi iðnaður er með meira eða minna allt niður um sig“ Auglýst eftir ungum og efnilegum hökkurum Allir um borð í rútunni Íslendingar Óttast eyðileggingu íslenskrar brimbrettamenningar Geir og Jóhanna lýsa yfir stuðningi við Höllu Hrund Bregst við áhyggjum af áfengissölu og áhyggjur brimbrettakappa Sjö fluttir með þyrlu eftir rútuslys á Suðurlandi Lögreglan náði lausum grís Enginn kemst sjálfkrafa í könnunarhóp Prósents Afmælisstemming hjá Eldstó á Hvolsvelli Líst illa á áfengissölu Hagkaups: „Ég tel bara að það þurfi að fara að lögum“ Þrjátíu og fimm kílómetrar í kjörstað Enginn einn frambjóðandi augljós keppinautur Katrínar „Þetta er bara strangheiðarleg jarðskjálftahrina“ Segir fyrirhugaða áfengissölu Hagkaups lögbrot og jarðskjálftahrina í Hengli Bjarkey kemur starfsfólki matvælaráðuneytisins til varnar Málþing um stöðluð greiningar- og meðferðarferli Spá goslokum á Sundhnúksgígaröð í lok júlí Sagður hafa slegið eiginkonu sína ítrekað með steikarpönnu Sjá meira
„Bann við kynningu á starfsemi íþróttafélaga í skólum er mjög bagalegt, sérstaklega í hverfishlutum þar sem hátt hlutfall foreldra er ekki með íslensku sem móðurmál. Margir foreldrar hafa ekki yfirsýn yfir það sem er í boði.“ Þetta segir Haukur Þór Haraldsson, framkvæmdastjóri Íþróttafélags Reykjavíkur, ÍR. Öflugt samband var á milli íþróttafélaga og skóla áður en ákveðið var með reglugerð að banna að því er virðist aðallega lífsskoðunarfélögum að kynna starfsemi sína í skólum, eins og Haukur orðar það. „Það bann náði einnig til íþróttafélaga. Ég finn vilja hjá starfsmönnum skóla til að sambandið við íþróttafélögin verði eins og það var áður. Við höfum farið fram á það og þetta hefur verið rætt hjá skóla- og frístundasviði en til þessa hafa menn ekki verið tilbúnir að breyta þessu.“ Eva Dögg Guðmundsdóttir, stjórnandi verkefnis sem býður fríar íþróttaæfingar á lóð Fellaskóla í sumar og er styrkt af íþrótta- og tómstundaráði, sagði í Fréttablaðinu í gær að nýting frístundakortsins hefði verið miklu minni í hverfi 111 en í öðrum hverfum Reykjavíkur. Haukur segir foreldra hafa komið til sín sem ekki hafi vitað hvað hann var að tala um þegar hann nefndi frístundakortið við þá. „Ég get nefnt sem dæmi strák sem langaði að vera íþróttum hjá okkur eins og vinur hans. Strákurinn dró pabba sinn hingað niður eftir til að tala við mig. Þegar ég hafði útskýrt þetta fyrir föðurnum var hann hissa á því sem í boði var,“ greinir Haukur frá. Hann segir ÍR hafa fundið verulega fyrir því þegar lokað var á kynningar íþróttafélaga í skólunum. „Við fundum sérstaklega fyrir þessu haustið 2011 þegar við gátum ekki komið og kynnt vetrarprógrammið okkar eins og venjulega. Það var einkum áberandi hvað það komu færri á körfuboltaæfingar. Menn eru með miklar væntingar til okkar og gera kröfur en þegar við reynum að verða við þeim eru settar takmarkanir á okkur. Í Reykjavík eru níu hverfisfélög sem eru að baki tveimur þriðju hlutum allrar íþróttastarfsemi í borginni. Okkur finnst að hverfisfélög ættu að hafa aðgang að sínum hverfisskólum. Það þyrfti ekki þar með að opna aðgang fyrir 100 önnur félög.“ Það er mat Hauks að gjaldfrjálsu íþróttaæfingarnar á lóð Fellaskóla í sumar muni án efa bera árangur. „Þetta er mjög gott verkefni sem við erum ánægðir með.“ Við gerð reglna um kynningar í skólum var meðal annars stuðst við leiðbeinandi reglur talsmanns neytenda og umboðsmanns barna frá 2009 þar sem segir að engar auglýsingar skuli vera í grunnskólum eða leikskólum né önnur markaðssókn. „En þar segir líka að kynning á æskulýðs-, íþrótta- og tómstundastarfsemi sveitarfélaga sé heimil,“ segir Sigrún Sveinbjörnsdóttir, verkefnastjóri hjá skóla- og frístundasviði. Hún segir íþrótta- og tómstundaráð halda úti vef um íþrótta- og tómstundastarf fyrir börn og unglinga í borginni, itr.is/sumar, á sumrin og fristund.is á veturna, þar sem frjálsu félögin geti komið sínum tilboðum á framfæri. Skólastjóri tekur ákvörðun um hvort verkefni styrkt af Reykjavíkurborg verði kynnt í skólanum.
Mest lesið Ræða mögulega við rútubílstjórann í dag Innlent Grunaður um kynferðisbrot gegn stjúpdóttur sinni Innlent Ummerki um að vegurinn hafi gefið sig Innlent Fólk sem ætlar að kjósa gegn Katrínu gæti lent í vandræðum Innlent Tók myndir af fólki á skemmtistað í leyfisleysi Innlent „Þessi iðnaður er með meira eða minna allt niður um sig“ Innlent Allir um borð í rútunni Íslendingar Innlent Segja þrjá hafa kastast út úr rútunni Innlent Tólf látin og tugir særð eftir árás á byggingavöruverslun Erlent Forsetavaktin 2024: Hver verður sjöundi forseti lýðveldisins? Innlent Fleiri fréttir Íslendingurinn enn á sjúkrahúsi í Bangkok Segja þrjá hafa kastast út úr rútunni Öruggast að sjóða neysluvatn á Flateyri Fólk sem ætlar að kjósa gegn Katrínu gæti lent í vandræðum Rútuslys í Rangárþingi og óvissa um brottflutning palestínsks drengs Ummerki um að vegurinn hafi gefið sig Malbika hægri akrein Reykjanesbrautar á morgun Áfengissala, forsetakosningar og neytendamál Ræða mögulega við rútubílstjórann í dag Tók myndir af fólki á skemmtistað í leyfisleysi Grunaður um kynferðisbrot gegn stjúpdóttur sinni „Þessi iðnaður er með meira eða minna allt niður um sig“ Auglýst eftir ungum og efnilegum hökkurum Allir um borð í rútunni Íslendingar Óttast eyðileggingu íslenskrar brimbrettamenningar Geir og Jóhanna lýsa yfir stuðningi við Höllu Hrund Bregst við áhyggjum af áfengissölu og áhyggjur brimbrettakappa Sjö fluttir með þyrlu eftir rútuslys á Suðurlandi Lögreglan náði lausum grís Enginn kemst sjálfkrafa í könnunarhóp Prósents Afmælisstemming hjá Eldstó á Hvolsvelli Líst illa á áfengissölu Hagkaups: „Ég tel bara að það þurfi að fara að lögum“ Þrjátíu og fimm kílómetrar í kjörstað Enginn einn frambjóðandi augljós keppinautur Katrínar „Þetta er bara strangheiðarleg jarðskjálftahrina“ Segir fyrirhugaða áfengissölu Hagkaups lögbrot og jarðskjálftahrina í Hengli Bjarkey kemur starfsfólki matvælaráðuneytisins til varnar Málþing um stöðluð greiningar- og meðferðarferli Spá goslokum á Sundhnúksgígaröð í lok júlí Sagður hafa slegið eiginkonu sína ítrekað með steikarpönnu Sjá meira