Framleiðendur brýna fyrir fólki að neyta ekki hreinsiefnis eftir ummæli Trump Kjartan Kjartansson skrifar 24. apríl 2020 13:40 Sala á hreinsivörum eins og bleikiefni hefur aukist í kórónuveirufaraldrinum. Bandaríska sóttvarnastofnunin hefur varað fólk við að gæta að notkunarleiðbeiningum. Eitrunum af völdum þeirra hafi fjölgað verulega frá því að faraldurinn hófst. Vísir/EPA Fólk ætti undir engum kringumstæðum að innbyrða sótthreinsiefni eða sprauta sig með því, að sögn eins stærsta framleiðanda slíkra efna í heiminum. Fyrirtækið gaf út eindregna viðvörun þessa efnis eftir ummæli Donalds Trump Bandaríkjaforseta ýjaði að því að nota mætti sótthreinsiefni gegn kórónuveirunni. Embættismaður bandarísku alríkisstjórnarinnar greindi frá rannsóknum sem benda til þess að útfjólublátt ljós og bleikiefni veiki eða drepi nýtt afbrigði kórónuveiru fljótt á yfirborðsflötum á daglegum blaðamannafundi í Hvíta húsinu í gær. Eftir að hann lauk máli sínu velti Trump vöngum yfir því hvort hægt væri að rannsaka að baða fólk í útfjólubláu ljósi eða sprauta fólk með bleikiefni. Læknar segja ummæli Trump geta verið bókstaflega hættuleg. Sótthreinsiefni eru eitruð og geta dregið fólk til dauða. Bleikiefni sé hættulegt augum, húð og öndunarfærum fólks jafnvel þó að það komist aðeins í snertingu við efnið útvortis. „Þessi hugmynd um að sprauta eða innbyrða hvers kyns hreinsiefni í líkamann er ábyrgðarlaust og hættulegt. Þetta er algeng aðferð sem fólk notar þegar það vill svipta sig lífi,“ sagði Vin Gupta, lungna- og lýðheilsusérfræðingur við NBC-sjónvarpsstöðina. Reckitt Benckise, fyrirtækið sem á hreinsiefnavörumerki eins og Lysol, Dettol, Vanish og Cillit Bang, sagði í viðvörðun að fólk ætti undir engum kringumstæðum að innbyrða eða sprauta sig með vörum þess. „Sótthreinsi- og hreinlætisvörur okkar á aðeins að nota eins og til er ætlast og í samræmi við leiðbeiningar. Lesið vinsamlegast miðann og öryggisupplýsingar,“ sagði fyrirtækið í yfirlýsingu þar sem það vísaði til „nýlegra vangaveltna og samfélagsmiðlavirkni“. Óttast að fólk gæti dáið Síðar á blaðamannafundi Trump í gær spurði forsetinn Deboruh Birx, sem stýrir starfshópi Hvíta hússins vegna faraldursins, hvort hún vissi eitthvað um mögulega ljós- eða bleikiefnimeðferð við kórónuveirunni. „Ekki sem meðferð,“ svaraði Birx áður en Trump greip fram í fyrir henni og hélt áfram að tala. Eftir fundinn steig fjöldi lækna fram og gagnrýndi ummælin. Hætta væri á að fólk reyndi aðferðirnar sem Trump velti vöngum um á sjálfu sér. „Fólk reynir ótrúlegustu hluti ef þú gefur þeim hugmyndina,“ segir Dara Kass, aðstoðarprófessor í bráðalækningum við læknisfræðimiðstöð Columbia-háskóla. „Ég hef áhyggjur af því að fólk muni deyja. Fólk mun halda að þetta sé góð hugmynd. Þetta er ekki handahófskennt, látum skeika að sköpuðu, kannski virkar þetta ráð. Þetta er hættulegt,“ segir Craig Spencer, forstöðumaður lýðheilsumála hjá bráðalækningadeild læknisfræðimiðstöðvar New York-Presbyterian/Columbia-háskóla, við Washington Post. Þetta er ekki í fyrsta skipti sem Trump forseti dreifi vafasömum upplýsingum um eðli veirunnar og mögulegar meðferðir. Við upphaf faraldursins talaði hann um að veiran ætti að hverfa eins og dögg fyrir sólu þegar hlýnaði með vorinu. Hann hefur einnig haldið á lofti malaríulyfi sem mögulegri töfralausn við Covid-19, sjúkdómnum sem nýtt afbrigði kórónuveirunnar veldur og sagt að fólk hafi engu að tapa að prófa það. Virkni lyfjanna chloroquine og hydroxychloroquine gegn veirunni hefur þó ekki verið staðfest og hefur einn rannsókn meðal annars tengt notkun þess við aukna dánartíðini. Þekkt er að lyfin geta haft alvarlegar aukaverkanir. Deborah Birx, viðbragðsstjóri Hvíta hússins við kórónuveirufaraldrinum, með Trump forseta á daglegum blaðamannafundi í gær.Vísir/EPA Mætir ekki á fundi og undirbýr sig ekki Daglegir upplýsingafundir um kórónuveirufaraldurinn hafa undanfarnar vikur orðið að nokkurs konar meðferðarúrræði fyrir Trump á meðan hann getur ekki haldið fjöldafundi með stuðningsmönnum sínum sem hann þrífst á. Fundirnir hafa stundum dregist á þriðju klukkustund þegar forsetinn notar þá sem vettvang til að viðra gremju sína og til að halda úti árásum á pólitíska andstæðinga og fjölmiðla. New York Times segir að forsetinn sitji sjaldan fundi starfshópsins um faraldurinn sem Mike Pence varaforseti stýrir fyrir blaðamannafundina. Þá undirbúi hann sig yfirleitt ekki sérstaklega fyrir þá. Oft sjái hann umtalsefnin sem ráðgjafar hans vinna að yfir daginn í fyrsta skipti í lokaútgáfu þeirra rétt fyrir blaðamannafundina. Á fundunum renni hann hratt í gegnum punktana til að komast sem fyrst í spurningar og glímu við fréttamenn. Sjónvarpsáhorf Trump er sagt hafa færst í aukana eftir að faraldurinn hófst. Suma daga mæti hann ekki á forsetaskrifstofuna fyrr en á hádegi, oft í fúlu skapi eftir að hafa horft á sjónvarpið frá því snemma um morguninn. Hann sé jafnvel ósáttur við Fox News, íhaldssömu sjónvarpsstöðina sem hann horfi á löngum stundum, sem hann telur hafa verið of gagnrýna á viðbrögð ríkisstjórnarinnar við faraldrinum. Á meðan ríkisstjórnin reynir að bregðast við áhrifum faraldursins á lýðheilsu og hagkerfið er Trump sagður engjast yfir möguleikum sínum á endurkjöri í forsetakosningum í haust og hvernig umfjöllun hann fær í fjölmiðlum. Donald Trump Bandaríkin Faraldur kórónuveiru (COVID-19) Mest lesið Þungir dómar í Gufunesmálinu: „Það eru ekki alltaf jólin“ Innlent Vaktin: Stefán og Lúkas dæmdir í 17 ára fangelsi Innlent Anna ljósa fallin frá Innlent „Ég hef aldrei séð svona mikið vatn í Jökulsá“ Innlent Yfirgáfu salinn þegar Netanjahú hóf ræðu sína Erlent Vímuefnaneysla talin meginorsök banaslyss við Hraunsnef Innlent Verjandi Matthíasar hnýtir í dóminn Innlent Hringvegurinn í sundur vegna vatnavaxta Innlent Táningsstúlkur dæmdar fyrir að flytja inn efni sem var ekki bannað Innlent Gat ekki lengur lesið en sagði engum frá því Innlent Fleiri fréttir Fyrrverandi aðstoðarmaður forseta dæmdur fyrir njósnir Yfirgáfu salinn þegar Netanjahú hóf ræðu sína Tekinn af lífi fyrir að myrða stúlkubarn við „særingu“ Comey hvergi banginn þrátt fyrir ákæru Ekki hægt að staðfesta drónaflug við Álaborgarflugvöll Bandaríkjamenn sagðir vilja Tony Blair við stjórnvölinn á Gasa Segist ekki munu leyfa Ísrael að innlima Vesturbakkann Lofthelgi aftur lokað í Álaborg vegna drónaflugs James Comey ákærður vegna Rússarannsóknar Segir NATO og ESB hafa lýst yfir stríði við Rússland Boðar alla herforingjana á fordæmalausan skyndifund Enn lítið vitað um leyniskyttuna og tilefni árásarinnar í Dallas Hóta Demókrötum með umfangsmiklum uppsögnum Fimm ára fangelsi fyrir að taka við fúlgum fjár frá Gaddafi Keppast við að ákæra Comey Trump krefst rannsóknar á „þríþættu skemmdarverki“ hjá SÞ Drónaflug í Danmörku: „Fjölþáttaógnin er að raungerast“ Leikskóli heimtar tugi þúsunda fyrir „listaverk“ barnanna Ætlar sér að koma böndum á sjónvarpsstöðvar Macron telur Trump ekki fylgjandi innlimun Vesturbakkans Sést til dróna við fjóra flugvelli í Danmörku Flugvellinum í Álaborg lokað vegna drónaflugs Segja árásina hafa beinst gegn ICE Pútín auki einfaldlega stríðsreksturinn verði hann ekki stöðvaður Sprenging í Osló talin tengjast sænsku glæpagengi Þrír skotnir af leyniskyttu við byggingu ICE í Dallas Biðjast afsökunar á „svörtum kafla“ í sögu Danmerkur og Grænlands Kenna Trump-liðum um bæði rúllustigann og textavélina Ekki staðfest hvort það hafi verið drónar sem röskuðu flugumferð í Osló Ekki pappírstígur heldur alvöru björn Sjá meira
Fólk ætti undir engum kringumstæðum að innbyrða sótthreinsiefni eða sprauta sig með því, að sögn eins stærsta framleiðanda slíkra efna í heiminum. Fyrirtækið gaf út eindregna viðvörun þessa efnis eftir ummæli Donalds Trump Bandaríkjaforseta ýjaði að því að nota mætti sótthreinsiefni gegn kórónuveirunni. Embættismaður bandarísku alríkisstjórnarinnar greindi frá rannsóknum sem benda til þess að útfjólublátt ljós og bleikiefni veiki eða drepi nýtt afbrigði kórónuveiru fljótt á yfirborðsflötum á daglegum blaðamannafundi í Hvíta húsinu í gær. Eftir að hann lauk máli sínu velti Trump vöngum yfir því hvort hægt væri að rannsaka að baða fólk í útfjólubláu ljósi eða sprauta fólk með bleikiefni. Læknar segja ummæli Trump geta verið bókstaflega hættuleg. Sótthreinsiefni eru eitruð og geta dregið fólk til dauða. Bleikiefni sé hættulegt augum, húð og öndunarfærum fólks jafnvel þó að það komist aðeins í snertingu við efnið útvortis. „Þessi hugmynd um að sprauta eða innbyrða hvers kyns hreinsiefni í líkamann er ábyrgðarlaust og hættulegt. Þetta er algeng aðferð sem fólk notar þegar það vill svipta sig lífi,“ sagði Vin Gupta, lungna- og lýðheilsusérfræðingur við NBC-sjónvarpsstöðina. Reckitt Benckise, fyrirtækið sem á hreinsiefnavörumerki eins og Lysol, Dettol, Vanish og Cillit Bang, sagði í viðvörðun að fólk ætti undir engum kringumstæðum að innbyrða eða sprauta sig með vörum þess. „Sótthreinsi- og hreinlætisvörur okkar á aðeins að nota eins og til er ætlast og í samræmi við leiðbeiningar. Lesið vinsamlegast miðann og öryggisupplýsingar,“ sagði fyrirtækið í yfirlýsingu þar sem það vísaði til „nýlegra vangaveltna og samfélagsmiðlavirkni“. Óttast að fólk gæti dáið Síðar á blaðamannafundi Trump í gær spurði forsetinn Deboruh Birx, sem stýrir starfshópi Hvíta hússins vegna faraldursins, hvort hún vissi eitthvað um mögulega ljós- eða bleikiefnimeðferð við kórónuveirunni. „Ekki sem meðferð,“ svaraði Birx áður en Trump greip fram í fyrir henni og hélt áfram að tala. Eftir fundinn steig fjöldi lækna fram og gagnrýndi ummælin. Hætta væri á að fólk reyndi aðferðirnar sem Trump velti vöngum um á sjálfu sér. „Fólk reynir ótrúlegustu hluti ef þú gefur þeim hugmyndina,“ segir Dara Kass, aðstoðarprófessor í bráðalækningum við læknisfræðimiðstöð Columbia-háskóla. „Ég hef áhyggjur af því að fólk muni deyja. Fólk mun halda að þetta sé góð hugmynd. Þetta er ekki handahófskennt, látum skeika að sköpuðu, kannski virkar þetta ráð. Þetta er hættulegt,“ segir Craig Spencer, forstöðumaður lýðheilsumála hjá bráðalækningadeild læknisfræðimiðstöðvar New York-Presbyterian/Columbia-háskóla, við Washington Post. Þetta er ekki í fyrsta skipti sem Trump forseti dreifi vafasömum upplýsingum um eðli veirunnar og mögulegar meðferðir. Við upphaf faraldursins talaði hann um að veiran ætti að hverfa eins og dögg fyrir sólu þegar hlýnaði með vorinu. Hann hefur einnig haldið á lofti malaríulyfi sem mögulegri töfralausn við Covid-19, sjúkdómnum sem nýtt afbrigði kórónuveirunnar veldur og sagt að fólk hafi engu að tapa að prófa það. Virkni lyfjanna chloroquine og hydroxychloroquine gegn veirunni hefur þó ekki verið staðfest og hefur einn rannsókn meðal annars tengt notkun þess við aukna dánartíðini. Þekkt er að lyfin geta haft alvarlegar aukaverkanir. Deborah Birx, viðbragðsstjóri Hvíta hússins við kórónuveirufaraldrinum, með Trump forseta á daglegum blaðamannafundi í gær.Vísir/EPA Mætir ekki á fundi og undirbýr sig ekki Daglegir upplýsingafundir um kórónuveirufaraldurinn hafa undanfarnar vikur orðið að nokkurs konar meðferðarúrræði fyrir Trump á meðan hann getur ekki haldið fjöldafundi með stuðningsmönnum sínum sem hann þrífst á. Fundirnir hafa stundum dregist á þriðju klukkustund þegar forsetinn notar þá sem vettvang til að viðra gremju sína og til að halda úti árásum á pólitíska andstæðinga og fjölmiðla. New York Times segir að forsetinn sitji sjaldan fundi starfshópsins um faraldurinn sem Mike Pence varaforseti stýrir fyrir blaðamannafundina. Þá undirbúi hann sig yfirleitt ekki sérstaklega fyrir þá. Oft sjái hann umtalsefnin sem ráðgjafar hans vinna að yfir daginn í fyrsta skipti í lokaútgáfu þeirra rétt fyrir blaðamannafundina. Á fundunum renni hann hratt í gegnum punktana til að komast sem fyrst í spurningar og glímu við fréttamenn. Sjónvarpsáhorf Trump er sagt hafa færst í aukana eftir að faraldurinn hófst. Suma daga mæti hann ekki á forsetaskrifstofuna fyrr en á hádegi, oft í fúlu skapi eftir að hafa horft á sjónvarpið frá því snemma um morguninn. Hann sé jafnvel ósáttur við Fox News, íhaldssömu sjónvarpsstöðina sem hann horfi á löngum stundum, sem hann telur hafa verið of gagnrýna á viðbrögð ríkisstjórnarinnar við faraldrinum. Á meðan ríkisstjórnin reynir að bregðast við áhrifum faraldursins á lýðheilsu og hagkerfið er Trump sagður engjast yfir möguleikum sínum á endurkjöri í forsetakosningum í haust og hvernig umfjöllun hann fær í fjölmiðlum.
Donald Trump Bandaríkin Faraldur kórónuveiru (COVID-19) Mest lesið Þungir dómar í Gufunesmálinu: „Það eru ekki alltaf jólin“ Innlent Vaktin: Stefán og Lúkas dæmdir í 17 ára fangelsi Innlent Anna ljósa fallin frá Innlent „Ég hef aldrei séð svona mikið vatn í Jökulsá“ Innlent Yfirgáfu salinn þegar Netanjahú hóf ræðu sína Erlent Vímuefnaneysla talin meginorsök banaslyss við Hraunsnef Innlent Verjandi Matthíasar hnýtir í dóminn Innlent Hringvegurinn í sundur vegna vatnavaxta Innlent Táningsstúlkur dæmdar fyrir að flytja inn efni sem var ekki bannað Innlent Gat ekki lengur lesið en sagði engum frá því Innlent Fleiri fréttir Fyrrverandi aðstoðarmaður forseta dæmdur fyrir njósnir Yfirgáfu salinn þegar Netanjahú hóf ræðu sína Tekinn af lífi fyrir að myrða stúlkubarn við „særingu“ Comey hvergi banginn þrátt fyrir ákæru Ekki hægt að staðfesta drónaflug við Álaborgarflugvöll Bandaríkjamenn sagðir vilja Tony Blair við stjórnvölinn á Gasa Segist ekki munu leyfa Ísrael að innlima Vesturbakkann Lofthelgi aftur lokað í Álaborg vegna drónaflugs James Comey ákærður vegna Rússarannsóknar Segir NATO og ESB hafa lýst yfir stríði við Rússland Boðar alla herforingjana á fordæmalausan skyndifund Enn lítið vitað um leyniskyttuna og tilefni árásarinnar í Dallas Hóta Demókrötum með umfangsmiklum uppsögnum Fimm ára fangelsi fyrir að taka við fúlgum fjár frá Gaddafi Keppast við að ákæra Comey Trump krefst rannsóknar á „þríþættu skemmdarverki“ hjá SÞ Drónaflug í Danmörku: „Fjölþáttaógnin er að raungerast“ Leikskóli heimtar tugi þúsunda fyrir „listaverk“ barnanna Ætlar sér að koma böndum á sjónvarpsstöðvar Macron telur Trump ekki fylgjandi innlimun Vesturbakkans Sést til dróna við fjóra flugvelli í Danmörku Flugvellinum í Álaborg lokað vegna drónaflugs Segja árásina hafa beinst gegn ICE Pútín auki einfaldlega stríðsreksturinn verði hann ekki stöðvaður Sprenging í Osló talin tengjast sænsku glæpagengi Þrír skotnir af leyniskyttu við byggingu ICE í Dallas Biðjast afsökunar á „svörtum kafla“ í sögu Danmerkur og Grænlands Kenna Trump-liðum um bæði rúllustigann og textavélina Ekki staðfest hvort það hafi verið drónar sem röskuðu flugumferð í Osló Ekki pappírstígur heldur alvöru björn Sjá meira