Sir Alex Ferguson segir brottvísun Rafaels hafa breytt leiknum gegn FC Bayern í kvöld.
„Það er enginn vafi. Þeir hefðu aldrei komist áfram úr þessu einvígi hefðum við haft ellefu menn allan leikinn. Við áttum ekki í neinum vandræðum þegar jafnt var í liðum," sagði Ferguson eftir leik.
„Þeir veiddu Rafael af velli. Hann sýndi reynsluleysi en allir hlupu að dómaranum og heimtuðu að hann fengi annað gult spjald, týpískir Þjóðverjar." Ferguson telur United hafa verið betra liðið í einvíginu. „Við spiluðum betur í þessum leik en þeir gerðu á sínum heimavelli. Við lékum vel, frammistaðan var góð en við vorum óheppnir," sagði Ferguson.
Rooney gekk ekki heill til skógar og fór af velli snemma í seinni hálfleik en Ferguson hefur engar áhyggjur. „Ég held að þetta sé ekkert alvarlegt. Ég er viss um að hann verði tilbúinn strax í næsta leik."
Sir Alex: Hefðu aldrei komist áfram gegn okkur ellefu
