Sportið í dag: Mál KR og KA, formaður KKÍ og Ásta Júlía

Sportið í dag kemur sterkt til leiks eftir helgarfrí. Þátturinn hefst klukkan 15:00 á Stöð 2 Sport.

Páll Kristjánsson er nýsestur í formannsstólinn hjá knattspyrnudeild KR og hans bíður erfitt verkefni. Páll kemur í settið í dag. 

KA-menn hafa endursamið við knattspyrnuleikmenn sína og Sævar Pétursson, framkvæmdastjóri félagsins, fer yfir stöðuna. 

Hannes S. Jónsson, formaður KKÍ, svarar gagnrýni Hamars á að ákvörðun stjórnar KKÍ hafi verið ólögleg er tímabilið var flautað af á dögunum. 

Þá verður körfuboltakonan Ásta Júlía Grímsdóttir á línunni en tímabili hennar í bandaríska háskólakörfuboltanum er lokið.