Ísland og enska úrvalsdeildin: Fyrsta markið 16. janúar 1993 Óskar Ófeigur Jónsson skrifar 27. mars 2020 10:00 Þorvaldur Örlygsson í leik með Nottingham Forest í ensku úrvalsdeildinni. Getty/Bob Thomas Íslenskir knattspyrnumenn hafa tekið mörg stór skref í ensku úrvalsdeildinni síðan hún var sett á laggirnar haustið 1992. Vísir ætlar að skoða nokkur þeirra betur á næstunni og að þessu sinni er komið að fyrsta íslenska markinu í sögu ensku úrvalsdeildarinnar. Fyrsta íslenska markið skoraði Akureyringurinn Þorvaldur Örlygsson og það leit dagsins ljós 16. janúar 1993. Markið skoraði Þorvaldur fyrir Nottingham Forest í 3-0 sigri á Chelsea á City Ground í Nottingham. Þetta var tólfti leikur Þorvaldar í ensku úrvalsdeildinni og hans fyrsta deildarmark fyrir Nottingham Forest siðan tímabilið 1989-90. Skoraði fimm mínútum síðar Þorvaldur var ekki í byrjunarliði Brian Clough hjá Nottingham Forest í þessum leik en kom inn á sem varamaður fyrir Scot Gemmill á 84. mínútu leiksins. Markið skoraði Toddi eins og hann var kallaður í Englandi aðeins fimm mínútum síðar. Markið má sjá hér fyrir neðan en þetta myndband er með öllum mörkum Nottingham Forest á þessu tímabili. Nigel Clough, sonur knattspyrnustjórans Brian Clough, átti mikinn þátt í markinu en hann gerði mjög vel í að finna Ian Woan út á vinstri vængnum. Ian Woan átti síðan fyrirgjöf sem fór alla leið yfir á fjærstöngina þar sem Þorvaldur mætti og kom boltanum framhjá Kevin Hitchcock í marki Chelsea. Ian Woan lagði upp flest mörk fyrir Nottingham Forestá þessu tímabili og að þessu sinni fann hann okkar mann. Var tilkynnt að hann væri ekki í hópnum Þorvaldur sagði mjög sérstaka sögu af aðdraganda leiksins í viðtali við íslenskan blaðamann. „Á föstudaginn var mér tilkynnt að ég væri ekki í hópnum, en þegar klukkuna vantaði 10 mínútur í eitt á laugardag var hringt og mér sagt að ég væri varamaður," sagði Þorvaldur við Morgunblaðið. „Fyrirvarinn var skammur, en mér var skipt inn á, þegar 10 til 15 mínútur voru til leiksloka." Here's my matchworn 92/3 Labatt's shirt - worn by Toddy Orlygsson and bought (years ago) from @classicshirts Shame that such a great shirt is associated with such a terrible season. @RRD1865 @kit_geek @KitblissNZ @HistoricalKits @ShirtCollection @TrueColoursKits @NFFC pic.twitter.com/q1FkN02jyV— Forest Guy (@the_forest_guy) May 1, 2018 Þorvaldur sagði í viðtalinu við Morgunblaðið að markið hafi komið eftir hraðaupphlaup á vinstri vængnum, hann hefði fengið boltann við fjærstöng og náð að vippa yfir markvörðinn. „Mér hefur gengið ágætlega þegar ég hef fengið tækifæri, en það er ekkert öruggt í þessu. Um hverja helgi eru gerðar breytingar á liðinu og það eina, sem hægt er að gera, er að standa sig, þegar tækifærið gefst." Síðasta skipting Brian Clough Þorvaldur skoraði ekki fleiri mörk í ensku úrvalsdeildinni og Nottingham Forest féll úr deildinni um vorið. Þorvaldur Örlygsson var þekktur sem Toddi Orlygsson eða Icemen þegar hann spilaði með Nottingham Forest.Getty/Neal Simpson Átján ára tími Brian Clough sem knattspyrnustjóri endaði eftir tap á móti Ipswich í lokaumferðinni. Þorvaldur kom inn á sem varamaður tuttugu mínútum fyrir leikslok og var síðasta skiptingin sem Clough gerði á sínum stjóraferli. Þorvaldur var ekki áfram hjá Nottingham Forest en fór þess í stað til Stoke City þar sem hann skoraði 16 mörk í 90 leikjum í ensku b-deildinni á næstu tveimur og hálfu tímabili. Þovaldur lék síðustu fjögur ár sín í Englandi síðan með Oldham Athletic í ensku b- og c-deildinni. Guðni með mark númer tvö Annað mark Íslendings í ensku úrvalsdeildinni skoraði Guðni Bergsson fyrir Bolton Wanderers á móti Newcastle 22. ágúst 1995. Hann jafnaði þá í 1-1 með skalla eftir hornspyrnu á 51. mínútu en Newcastle vann leikinn á endanum 3-1. Guðni skoraði í báðum leikjunum á móti Newcastle þetta tímabil og fjögur mörk alls. Enski boltinn Fótbolti Einu sinni var... Mest lesið Sló heimsmetið í fjórtánda sinn Sport Carragher sagði „heiladauðan“ Hannibal hafa kostað Burnley stig Enski boltinn Beit andstæðing á HM Sport City rak barþjón sem mætti í United-treyju í vinnuna Enski boltinn „Ef félagið vill breyta um leikstíl verður það að breyta um mann“ Enski boltinn Keane tók Shaw á teppið: „Gafst upp og alltaf meiddur“ Enski boltinn Í beinni: ÍA - Afturelding | Botnliðin eigast við Íslenski boltinn Leik hætt eftir að leikmaður hné niður Fótbolti „United er að keppa við hina Ferrari-bílana en með Skoda-vél“ Enski boltinn Sjáðu mörkin úr mettapi KR Íslenski boltinn Fleiri fréttir Verður væntanlega ráðinn 89 dögum eftir að hann var rekinn City rak barþjón sem mætti í United-treyju í vinnuna „United er að keppa við hina Ferrari-bílana en með Skoda-vél“ „Ef félagið vill breyta um leikstíl verður það að breyta um mann“ Carragher sagði „heiladauðan“ Hannibal hafa kostað Burnley stig Keane tók Shaw á teppið: „Gafst upp og alltaf meiddur“ „Arteta hefur aldrei verið með jafn góðan hóp og núna“ Sjáðu City salta United og ískaldan Salah á vítapunktinum Víti í blálokin dugði Liverpool Tvö frá Haaland og Manchester er blá Hvoru megin í Manchester er meiri krísa? Sjáðu mörkin úr stórsigrum Arsenal og Spurs og dramatíkina í Lundúnum Sigur í fyrsta leik Andra í enska boltanum Nýi maðurinn hetja Newcastle og skrautlegt sjálfsmark Leeds Spurs í engum vandræðum með tíu Hamra Zubimendi með tvö í frábærum sigri Ekki keyptur til að gera það sama og Ederson Skiptir til Chelsea frá félagi með sömu eigendur Staðfestir að Bayindir verði í markinu gegn Man City Delap gæti verið frá fram í desember Grealish valinn leikmaður mánaðarins í fyrsta sinn Viðhafnarútsending af Doc Zone: Fimm leikir í enska og lokaumferðin í Lengjunni „Báðir með svona Manchester United æxli í heilanum“ Slot í skýjunum eftir ákvörðun þjálfara Svía Er hluti af leikmannahópnum þrátt fyrir að vera í fangelsi Um hnífsárásina sem breytti lífi hans: „Hluti af mér er horfinn“ Engin stig dregin af Chelsea Tyrkneska félagið staðfestir komu Onana Þjálfara kvennaliðs Sheffield United vikið tímabundið frá störfum Chelsea ákært fyrir 74 brot í eigendatíð Abramovich Sjá meira
Íslenskir knattspyrnumenn hafa tekið mörg stór skref í ensku úrvalsdeildinni síðan hún var sett á laggirnar haustið 1992. Vísir ætlar að skoða nokkur þeirra betur á næstunni og að þessu sinni er komið að fyrsta íslenska markinu í sögu ensku úrvalsdeildarinnar. Fyrsta íslenska markið skoraði Akureyringurinn Þorvaldur Örlygsson og það leit dagsins ljós 16. janúar 1993. Markið skoraði Þorvaldur fyrir Nottingham Forest í 3-0 sigri á Chelsea á City Ground í Nottingham. Þetta var tólfti leikur Þorvaldar í ensku úrvalsdeildinni og hans fyrsta deildarmark fyrir Nottingham Forest siðan tímabilið 1989-90. Skoraði fimm mínútum síðar Þorvaldur var ekki í byrjunarliði Brian Clough hjá Nottingham Forest í þessum leik en kom inn á sem varamaður fyrir Scot Gemmill á 84. mínútu leiksins. Markið skoraði Toddi eins og hann var kallaður í Englandi aðeins fimm mínútum síðar. Markið má sjá hér fyrir neðan en þetta myndband er með öllum mörkum Nottingham Forest á þessu tímabili. Nigel Clough, sonur knattspyrnustjórans Brian Clough, átti mikinn þátt í markinu en hann gerði mjög vel í að finna Ian Woan út á vinstri vængnum. Ian Woan átti síðan fyrirgjöf sem fór alla leið yfir á fjærstöngina þar sem Þorvaldur mætti og kom boltanum framhjá Kevin Hitchcock í marki Chelsea. Ian Woan lagði upp flest mörk fyrir Nottingham Forestá þessu tímabili og að þessu sinni fann hann okkar mann. Var tilkynnt að hann væri ekki í hópnum Þorvaldur sagði mjög sérstaka sögu af aðdraganda leiksins í viðtali við íslenskan blaðamann. „Á föstudaginn var mér tilkynnt að ég væri ekki í hópnum, en þegar klukkuna vantaði 10 mínútur í eitt á laugardag var hringt og mér sagt að ég væri varamaður," sagði Þorvaldur við Morgunblaðið. „Fyrirvarinn var skammur, en mér var skipt inn á, þegar 10 til 15 mínútur voru til leiksloka." Here's my matchworn 92/3 Labatt's shirt - worn by Toddy Orlygsson and bought (years ago) from @classicshirts Shame that such a great shirt is associated with such a terrible season. @RRD1865 @kit_geek @KitblissNZ @HistoricalKits @ShirtCollection @TrueColoursKits @NFFC pic.twitter.com/q1FkN02jyV— Forest Guy (@the_forest_guy) May 1, 2018 Þorvaldur sagði í viðtalinu við Morgunblaðið að markið hafi komið eftir hraðaupphlaup á vinstri vængnum, hann hefði fengið boltann við fjærstöng og náð að vippa yfir markvörðinn. „Mér hefur gengið ágætlega þegar ég hef fengið tækifæri, en það er ekkert öruggt í þessu. Um hverja helgi eru gerðar breytingar á liðinu og það eina, sem hægt er að gera, er að standa sig, þegar tækifærið gefst." Síðasta skipting Brian Clough Þorvaldur skoraði ekki fleiri mörk í ensku úrvalsdeildinni og Nottingham Forest féll úr deildinni um vorið. Þorvaldur Örlygsson var þekktur sem Toddi Orlygsson eða Icemen þegar hann spilaði með Nottingham Forest.Getty/Neal Simpson Átján ára tími Brian Clough sem knattspyrnustjóri endaði eftir tap á móti Ipswich í lokaumferðinni. Þorvaldur kom inn á sem varamaður tuttugu mínútum fyrir leikslok og var síðasta skiptingin sem Clough gerði á sínum stjóraferli. Þorvaldur var ekki áfram hjá Nottingham Forest en fór þess í stað til Stoke City þar sem hann skoraði 16 mörk í 90 leikjum í ensku b-deildinni á næstu tveimur og hálfu tímabili. Þovaldur lék síðustu fjögur ár sín í Englandi síðan með Oldham Athletic í ensku b- og c-deildinni. Guðni með mark númer tvö Annað mark Íslendings í ensku úrvalsdeildinni skoraði Guðni Bergsson fyrir Bolton Wanderers á móti Newcastle 22. ágúst 1995. Hann jafnaði þá í 1-1 með skalla eftir hornspyrnu á 51. mínútu en Newcastle vann leikinn á endanum 3-1. Guðni skoraði í báðum leikjunum á móti Newcastle þetta tímabil og fjögur mörk alls.
Enski boltinn Fótbolti Einu sinni var... Mest lesið Sló heimsmetið í fjórtánda sinn Sport Carragher sagði „heiladauðan“ Hannibal hafa kostað Burnley stig Enski boltinn Beit andstæðing á HM Sport City rak barþjón sem mætti í United-treyju í vinnuna Enski boltinn „Ef félagið vill breyta um leikstíl verður það að breyta um mann“ Enski boltinn Keane tók Shaw á teppið: „Gafst upp og alltaf meiddur“ Enski boltinn Í beinni: ÍA - Afturelding | Botnliðin eigast við Íslenski boltinn Leik hætt eftir að leikmaður hné niður Fótbolti „United er að keppa við hina Ferrari-bílana en með Skoda-vél“ Enski boltinn Sjáðu mörkin úr mettapi KR Íslenski boltinn Fleiri fréttir Verður væntanlega ráðinn 89 dögum eftir að hann var rekinn City rak barþjón sem mætti í United-treyju í vinnuna „United er að keppa við hina Ferrari-bílana en með Skoda-vél“ „Ef félagið vill breyta um leikstíl verður það að breyta um mann“ Carragher sagði „heiladauðan“ Hannibal hafa kostað Burnley stig Keane tók Shaw á teppið: „Gafst upp og alltaf meiddur“ „Arteta hefur aldrei verið með jafn góðan hóp og núna“ Sjáðu City salta United og ískaldan Salah á vítapunktinum Víti í blálokin dugði Liverpool Tvö frá Haaland og Manchester er blá Hvoru megin í Manchester er meiri krísa? Sjáðu mörkin úr stórsigrum Arsenal og Spurs og dramatíkina í Lundúnum Sigur í fyrsta leik Andra í enska boltanum Nýi maðurinn hetja Newcastle og skrautlegt sjálfsmark Leeds Spurs í engum vandræðum með tíu Hamra Zubimendi með tvö í frábærum sigri Ekki keyptur til að gera það sama og Ederson Skiptir til Chelsea frá félagi með sömu eigendur Staðfestir að Bayindir verði í markinu gegn Man City Delap gæti verið frá fram í desember Grealish valinn leikmaður mánaðarins í fyrsta sinn Viðhafnarútsending af Doc Zone: Fimm leikir í enska og lokaumferðin í Lengjunni „Báðir með svona Manchester United æxli í heilanum“ Slot í skýjunum eftir ákvörðun þjálfara Svía Er hluti af leikmannahópnum þrátt fyrir að vera í fangelsi Um hnífsárásina sem breytti lífi hans: „Hluti af mér er horfinn“ Engin stig dregin af Chelsea Tyrkneska félagið staðfestir komu Onana Þjálfara kvennaliðs Sheffield United vikið tímabundið frá störfum Chelsea ákært fyrir 74 brot í eigendatíð Abramovich Sjá meira