Strákarnir í Sportinu í dag slá ekki slöku við, frekar en fyrri daginn.
Í þætti dagsins, sem hefst klukkan 15:00 á Stöð 2 Sport, mætir fótboltadómarinn Vilhjálmur Alvar Þórarinsson í settið og kynnir útgáfu af VAR-kerfinu sem hefur verið hannað hér á Íslandi.
Körfuboltadómarinn Rögnvaldur Hreiðarsson verður í viðtali en hann hefur dæmt 2000 leiki. Einar Jónsson handboltaþjálfari er einnig í viðtali um sitt næsta verkefni og þá verður rætt við handboltakappann Arnar Freyr Ársælsson sem ætlar að hjálpa sínu félagi, FH.
Körfuboltaþjálfarinn Isreal Martin verður einnig til viðtals en staðan í heimalandi hans, Spáni, er erfið um þessar mundir.
Svo verður landsleikur Íslands og Rúmeníu skoðaður en þjóðirnar sem mætast í vináttuleik í FIFA í dag. Smá sárabót fyrir landsleik þjóðanna í umspili EM sem átti að fara fram á Laugardalsvelli í dag.
Sportið í dag er á dagskrá á Stöð 2 Sport alla virka daga klukkan 15.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.
