Útvarpsstöðvar í 30 löndum í Evrópu spiluðu Liverpool lagið á sama tíma

Liverpool lagið „You'll never walk alone“ er eitt frægasta stuðningsmannalag heims enda spilað fyrir hvern heimaleik hjá Liverpool og fleiri liða.

Í morgun klukkan 7.45 að íslenskum tíma þá spiluðu útvarpsstöðvar í 30 löndum í Evrópu lagið til að hvetja til samstöðu með öllum þeim sem standa í ströngu vegna kórónuveirunnar.

Hollenski plötusnúður að nafni Sander Hoogendoorn átti frumkvæðið að þessu uppátæki.

Stuðningsmenn Liverpool þekkja vel góð áhrif þess að syngja saman „You'll never walk alone“ á leikjum liðsins enda er hvergi meiri samstaða í stúkunni en einmitt á Anfield þegar þetta lag hljómar í hátalarkerfinu.

Lagið kom út árið 1963 og var flutt af Gerry & The Pacemakers. Knattspyrnustjórinn Bill Shankly átti síðan mikinn þátt í því að Liverpool tók það upp á sínum tíma.