Gunnleifur þakkar fyrir sig: Montinn af ferlinum og sé ekki eftir neinu Sindri Sverrisson skrifar 20. nóvember 2020 16:30 Gunnleifur Gunnleifsson á metið yfir flesta deildarleiki á Íslandi. vísir/bára Leikjahæsti leikmaður í sögu íslenskrar deildarkeppni í fótbolta, markmaðurinn Gunnleifur Gunnleifsson, hefur ákveðið að láta gott heita og leggja skóna formlega á hilluna. „Ég var hættur að æfa um mitt síðasta sumar og fannst ágætt að loka þessu bara formlega, og þakka fyrir mig,“ segir Gunnleifur við Vísi, en hann sendi frá sér stutta tilkynningu á Twitter í dag. Takk fyrir mig pic.twitter.com/YWCkxaDefp— gulligull1 (@GGunnleifsson) November 20, 2020 Gunnleifur, sem er 45 ára gamall, var aðstoðarþjálfari og varamarkmaður Breiðabliks í sumar en kom ekkert við sögu á Íslandsmótinu. Hann sat á varamannabekknum í ellefu leikjum en Brynjar Atli Bragason tók við því hlutverki seinni hluta tímabilsins. Anton Ari Einarsson var aðalmarkmaður liðsins. Gunnleifur hafði áður misst af aðeins einum deildarleik sem leikmaður Breiðabliks, á sjö keppnistímabilum. Alls afrekaði hann það að leika 439 deildarleiki á Íslandi á aldarfjórðungi í boltanum, miðað við yfirlit Víðis Sigurðssonar höfundar bókaflokksins Íslensk knattspyrna, og er það Íslandsmet. Gunnleifur Gunnleifsson lék sinn fyrsta A-landsleik árið 2000 og þann síðasta 14 árum síðar.Nordic photos/AFP „Ég er montinn af ferlinum og sé ekki eftir neinu. Það hefur auðvitað margt gengið á á 26 ára ferli í meistaraflokki, og allt of langt mál að kafa djúpt ofan í það, en ég er fyrst og fremst þakklátur fyrir ferilinn og hvað hann gat verið langur og skemmtilegur,“ segir Gunnleifur. Hættir sem aðstoðarþjálfari en í umfangsmiklu starfi hjá Breiðabliki Hann mun áfram starfa hjá Breiðabliki, þó ekki lengur sem aðstoðarþjálfari meistaraflokks. Gunnleifur mun meðal annars þjálfa 2., 6. og 8. flokk karla, og sinna markmannsþjálfun hjá öllum flokkum. Hvað líkamlegt atgervi varðar segist Gunnleifur allt eins hafa getað haldið áfram að spila, en hugurinn hafi verið kominn annað. Gunnleifur varð Íslands- og bikarmeistari með FH.Mynd/Daníel „Nú er ég kominn í annað og breytt hlutverk. Ég þekki ekkert annað en að vera markmaður svo þetta eru auðvitað mikil tímamót hjá mér. Maður er rétt byrjaður að líta til baka og það rifjast ýmislegt upp, og þetta er fyrst og fremst bara geggjaður tími heilt yfir. Það er ekkert sem stendur sérstaklega upp úr, eins og titlar, og slíkt heldur öll þessi dæmi um fólk sem maður hefur kynnst og bardaga sem maður hefur tekið þátt í.“ Með landsliðinu í hálfan annan áratug Gunnleifur er uppalinn hjá hinu Kópavogsliðinu, HK, en hefur einnig leikið með KVA, KR, Keflavík og FH á sínum ferli, auk þess að vera um skamman tíma hjá liði Vaduz í Liechtenstein, sem lék í svissnesku úrvalsdeildinni. Hann varð Íslands- og bikarmeistari með KR árið 1999, þá reyndar í hlutverki varamarkmanns, og átti svo drjúgan þátt í bikarmeistaratitli FH árið 2010 og Íslandsmeistaratitli liðsins tveimur árum síðar. Gunnleifur var líka lengi hluti af íslenska A-landsliðshópnum og lék 26 leiki en hann missti óvænt sæti sitt í hópnum fyrir lokakeppni Evrópumótsins 2016. Síðasti landsleikur sem hann spilaði var 1-0 sigur gegn Eistlandi í vináttulandsleik sumarið 2014. Pepsi Max-deild karla Breiðablik Tímamót Kópavogur Mest lesið Booker um sparkið í stellið: „Partur af körfuboltanum en þetta var allt of mikið“ Körfubolti Fékk ellefu leikja bann fyrir geislann úr heiðursstúkunni Fótbolti Enginn Viktor Gísli en Þorsteinn Leó í hópnum Sport Svona var blaðamannafundur Snorra Steins Handbolti „Með því glórulausasta sem ég hef séð“ Körfubolti Fékk tvö gul spjöld en slapp samt við rautt spjald Fótbolti Nýtt merki Þróttar komið á búninginn Íslenski boltinn Segir að stressið sé að fara með leikmenn Liverpool Enski boltinn Bað Caitlin Clark afsökunar á karlrembunni í sér Körfubolti Besta-spáin 2024: Nálgast núllpunktinn á ný Íslenski boltinn Fleiri fréttir Gunnhildur Yrsa og Erin eiga von á barni Nýtt merki Þróttar komið á búninginn Besta-spáin 2024: Brakar í heila prófessorsins Besta-spáin 2024: Nálgast núllpunktinn á ný Besta-spáin 2024: Svífa áfram á bleika skýinu Besta-spáin 2024: Ekkert Murr Murr „Er eiginlega ennþá í sjokki“ Þróttarar kjósa um nýtt merki Spáin segir að Valur verji titilinn Amanda verður best og FH-ingar grófastir Besta-spáin 2024: Ætla að gera falldrauginn afturreka úr Árbænum Svona var kynningarfundur Bestu deildar kvenna Niðurstöðu að vænta í máli Arnars og KA eftir mánuð Besta-spáin 2024: Blóðtakan of mikil Heimir Guðjóns og Óskar Hrafn hafa báðir látið Hallgrím heyra það „Vorum að spila á móti besta liði landsins“ Uppgjör og viðtal: Valur - Víkingur 1-1 | Bikarmeistar Víkings Meistarar meistaranna Þór/KA fær Bryndísi á láni frá Íslandsmeisturum Vals Besta byrjun Íslandsmeistara í átta ár Biðin eftir fyrsta leiknum á grasi lengist Óskar Örn jafnaði met Gunnleifs Pressa á Hallgrími: „Áttu að þurfa að segja þetta við leikmenn?“ Gummi Ben: Hann fær boltann í lærið Jóhann Ingi Vill vera jafn iðinn við kolann og Olga Færseth Sjáðu sigurmark Víkinga og mark Framara sem var dæmt af „Djöfull hlýtur að vera óþolandi að spila á móti þessum gaur“ „Allir sem eru búnir að sjá þetta aftur segja mér hvernig þetta hefði átt að vera“ Uppgjörið og viðtal: Fram - Víkingur 0-1 | Íslandsmeistararnir áfram með fullt hús Hefur varið helming vítanna sem hann hefur reynt við í Bestu Arnar hefur ekki tapað fyrir Rúnari í meira en þrjú ár Sjá meira
Leikjahæsti leikmaður í sögu íslenskrar deildarkeppni í fótbolta, markmaðurinn Gunnleifur Gunnleifsson, hefur ákveðið að láta gott heita og leggja skóna formlega á hilluna. „Ég var hættur að æfa um mitt síðasta sumar og fannst ágætt að loka þessu bara formlega, og þakka fyrir mig,“ segir Gunnleifur við Vísi, en hann sendi frá sér stutta tilkynningu á Twitter í dag. Takk fyrir mig pic.twitter.com/YWCkxaDefp— gulligull1 (@GGunnleifsson) November 20, 2020 Gunnleifur, sem er 45 ára gamall, var aðstoðarþjálfari og varamarkmaður Breiðabliks í sumar en kom ekkert við sögu á Íslandsmótinu. Hann sat á varamannabekknum í ellefu leikjum en Brynjar Atli Bragason tók við því hlutverki seinni hluta tímabilsins. Anton Ari Einarsson var aðalmarkmaður liðsins. Gunnleifur hafði áður misst af aðeins einum deildarleik sem leikmaður Breiðabliks, á sjö keppnistímabilum. Alls afrekaði hann það að leika 439 deildarleiki á Íslandi á aldarfjórðungi í boltanum, miðað við yfirlit Víðis Sigurðssonar höfundar bókaflokksins Íslensk knattspyrna, og er það Íslandsmet. Gunnleifur Gunnleifsson lék sinn fyrsta A-landsleik árið 2000 og þann síðasta 14 árum síðar.Nordic photos/AFP „Ég er montinn af ferlinum og sé ekki eftir neinu. Það hefur auðvitað margt gengið á á 26 ára ferli í meistaraflokki, og allt of langt mál að kafa djúpt ofan í það, en ég er fyrst og fremst þakklátur fyrir ferilinn og hvað hann gat verið langur og skemmtilegur,“ segir Gunnleifur. Hættir sem aðstoðarþjálfari en í umfangsmiklu starfi hjá Breiðabliki Hann mun áfram starfa hjá Breiðabliki, þó ekki lengur sem aðstoðarþjálfari meistaraflokks. Gunnleifur mun meðal annars þjálfa 2., 6. og 8. flokk karla, og sinna markmannsþjálfun hjá öllum flokkum. Hvað líkamlegt atgervi varðar segist Gunnleifur allt eins hafa getað haldið áfram að spila, en hugurinn hafi verið kominn annað. Gunnleifur varð Íslands- og bikarmeistari með FH.Mynd/Daníel „Nú er ég kominn í annað og breytt hlutverk. Ég þekki ekkert annað en að vera markmaður svo þetta eru auðvitað mikil tímamót hjá mér. Maður er rétt byrjaður að líta til baka og það rifjast ýmislegt upp, og þetta er fyrst og fremst bara geggjaður tími heilt yfir. Það er ekkert sem stendur sérstaklega upp úr, eins og titlar, og slíkt heldur öll þessi dæmi um fólk sem maður hefur kynnst og bardaga sem maður hefur tekið þátt í.“ Með landsliðinu í hálfan annan áratug Gunnleifur er uppalinn hjá hinu Kópavogsliðinu, HK, en hefur einnig leikið með KVA, KR, Keflavík og FH á sínum ferli, auk þess að vera um skamman tíma hjá liði Vaduz í Liechtenstein, sem lék í svissnesku úrvalsdeildinni. Hann varð Íslands- og bikarmeistari með KR árið 1999, þá reyndar í hlutverki varamarkmanns, og átti svo drjúgan þátt í bikarmeistaratitli FH árið 2010 og Íslandsmeistaratitli liðsins tveimur árum síðar. Gunnleifur var líka lengi hluti af íslenska A-landsliðshópnum og lék 26 leiki en hann missti óvænt sæti sitt í hópnum fyrir lokakeppni Evrópumótsins 2016. Síðasti landsleikur sem hann spilaði var 1-0 sigur gegn Eistlandi í vináttulandsleik sumarið 2014.
Pepsi Max-deild karla Breiðablik Tímamót Kópavogur Mest lesið Booker um sparkið í stellið: „Partur af körfuboltanum en þetta var allt of mikið“ Körfubolti Fékk ellefu leikja bann fyrir geislann úr heiðursstúkunni Fótbolti Enginn Viktor Gísli en Þorsteinn Leó í hópnum Sport Svona var blaðamannafundur Snorra Steins Handbolti „Með því glórulausasta sem ég hef séð“ Körfubolti Fékk tvö gul spjöld en slapp samt við rautt spjald Fótbolti Nýtt merki Þróttar komið á búninginn Íslenski boltinn Segir að stressið sé að fara með leikmenn Liverpool Enski boltinn Bað Caitlin Clark afsökunar á karlrembunni í sér Körfubolti Besta-spáin 2024: Nálgast núllpunktinn á ný Íslenski boltinn Fleiri fréttir Gunnhildur Yrsa og Erin eiga von á barni Nýtt merki Þróttar komið á búninginn Besta-spáin 2024: Brakar í heila prófessorsins Besta-spáin 2024: Nálgast núllpunktinn á ný Besta-spáin 2024: Svífa áfram á bleika skýinu Besta-spáin 2024: Ekkert Murr Murr „Er eiginlega ennþá í sjokki“ Þróttarar kjósa um nýtt merki Spáin segir að Valur verji titilinn Amanda verður best og FH-ingar grófastir Besta-spáin 2024: Ætla að gera falldrauginn afturreka úr Árbænum Svona var kynningarfundur Bestu deildar kvenna Niðurstöðu að vænta í máli Arnars og KA eftir mánuð Besta-spáin 2024: Blóðtakan of mikil Heimir Guðjóns og Óskar Hrafn hafa báðir látið Hallgrím heyra það „Vorum að spila á móti besta liði landsins“ Uppgjör og viðtal: Valur - Víkingur 1-1 | Bikarmeistar Víkings Meistarar meistaranna Þór/KA fær Bryndísi á láni frá Íslandsmeisturum Vals Besta byrjun Íslandsmeistara í átta ár Biðin eftir fyrsta leiknum á grasi lengist Óskar Örn jafnaði met Gunnleifs Pressa á Hallgrími: „Áttu að þurfa að segja þetta við leikmenn?“ Gummi Ben: Hann fær boltann í lærið Jóhann Ingi Vill vera jafn iðinn við kolann og Olga Færseth Sjáðu sigurmark Víkinga og mark Framara sem var dæmt af „Djöfull hlýtur að vera óþolandi að spila á móti þessum gaur“ „Allir sem eru búnir að sjá þetta aftur segja mér hvernig þetta hefði átt að vera“ Uppgjörið og viðtal: Fram - Víkingur 0-1 | Íslandsmeistararnir áfram með fullt hús Hefur varið helming vítanna sem hann hefur reynt við í Bestu Arnar hefur ekki tapað fyrir Rúnari í meira en þrjú ár Sjá meira