Bein útsending frá leikjum dagsins í Þjóðadeildinni: Dregur nær úrslitastundu

Níu leikir eru á dagskrá í dag í Þjóðadeildinni í fótbolta, þar á meðal stórleikur ríkjandi Evrópumeistarar og heimsmeistara.

Þrír leikir eru á rásum Stöðvar 2 Sport en sex eru í opinni dagskrá hér á Vísi. Þá má finna hér að neðan.

Portúgal og Frakkland leika hálfgerðan úrslitaleik um efsta sæti 3. riðils og þar með sæti í undanúrslitum Þjóðadeildarinnar. Sá leikur er á Stöð 2 Sport 2 og hefst kl. 19.45. Svíþjóð og Króatía mætast í sama riðli þar sem Svíar verða helst að vinna til að geta haldið sér í A-deildinni.

Hörð keppni er um efsta sætið í 4. riðli og eru báðir leikir riðilsins sýndir hér á Vísi. Sviss mætir Spáni sem er efst í riðlinum með 7 stig, en Þýskaland og Úkraína eru með 6 stig og mætast í Leipzig.

Lista yfir alla leiki dagsins og kvöldsins má sjá hér að neðan. Hægt er að horfa á útsendingar frá leikjum á Vísi með því að smella á viðeigandi hlekk hér að neðan. Útsendingarnar birtast neðst í textalýsingu hvers leiks, svo að lesendur gætu þurft að skruna niður í gegnum textalýsingu til að finna beina útsendingu.

Markaþáttur Þjóðadeildarinnar er svo sýndur á Stöð 2 Sport 2 kl. 21.45 í kvöld.

Leikir í beinni í dag:

A-deild:

3. riðill:

19.45 Portúgal - Frakkland (Stöð 2 Sport 2)

19.45 Svíþjóð - Króatía (Stöð 2 Sport 4)

4. riðill:

19.45 Sviss - Spánn (Vísir)

19.45 Þýskaland - Úkraína (Vísir)

C-deild:

1. riðill:

17.00 Aserbaídsjan - Svartfjallaland (Vísir)

17.00 Kýpur - Lúxemborg (Vísir)

D-deild:

1. riðill:

14.00 Malta 3 - 1 Andorra

17.00 Lettland - Færeyjar (Stöð 2 Sport 2)

2. riðill:

14.00 San Marínó 0 - 0 Gíbraltar