Hólmbert verður liðsfélagi Birkis á Ítalíu

Sindri Sverrisson skrifar 1. október 2020 11:27

Hólmbert Aron Friðjónsson fagnar eftir að hafa komið Íslandi yfir gegn Belgíu. vísir/getty

Landsliðsmaðurinn Hólmbert Aron Friðjónsson mun spila með Brescia í ítölsku B-deildinni í fótbolta í vetur.

Þessu greinir mbl.is frá í dag og segir að Hólmbert muni ferðast til Ítalíu á morgun. Hann kemur til Brescia frá norska félaginu Aalesund þar sem hann hefur raðað inn mörkum í úrvalsdeildinni í ár, eða skorað alls 11 mörk í 15 leikjum.

Hólmbert, sem skoraði eina mark Íslands í 5-1 tapinu gegn Belgíu í síðasta landsleik, verður nú einnig liðsfélagi Birkis Bjarnasonar hjá félagsliði en Birkir kom til Brescia í byrjun árs.

Klippa: Markið sem Hólmbert skoraði á móti Belgum

Hólmbert, sem er 27 ára gamall, hefur verið hjá Aalesund frá árinu 2018 en hann er uppalinn hjá HK. Hann hefur einnig leikið með Fram, KR og Stjörnunni hér á landi, og verið hjá Celtic í Skotlandi og Bröndby í Danmörku.

Ítalski boltinn Norski boltinn

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.