Enski boltinn

Dias sá dýrasti í sögunni hjá City | Pep eytt yfir 71 milljörðum í varnar­menn

Runólfur Trausti Þórhallsson skrifar
Dias sáttur við undirskriftina í kvöld.
Dias sáttur við undirskriftina í kvöld. Vísir/Manchester City

Enska úrvalsdeildarfélagið Manchester City staðfesti í kvöld kaupin á miðverðinum Rúben Dias. Sá kemur frá portúgalska félaginu Benfica á litlar 65 milljónir punda. Argentíski miðvörðurinn Nicolás Otamendi fer í hina áttina á 14 milljónir svo segja má að City borgi „aðeins“ 51 milljón punda fyrir Dias.

Argentíski miðvörðurinn Nicolás Otamendi fer í hina áttina á 14 milljónir svo segja má að City borgi „aðeins“ 51 milljón punda fyrir Dias. Athygli vekur að báðir leikmenn eru með sama umboðsmann, ofurumboðsmanninn Jorge Mendes. Raunar sér GestiFute, umboðsstofa í eigu Mendes, um öll þeirra mál.

Dias er hins vegar dýrasti varnarmaður í sögu Manchester City og skrifar hann undir sex ára samning við félagið. Pep Guardiola - þjálfari Manchester City - hefur verið duglegur að versla varnarmenn síðan hann tók við stjórnartaumum félagsins árið 2016. 

Alls hefur hann eytt yfir 400 milljónum punda í varnarmenn en það gerir rúmlega 71 milljarð íslenskra króna. Til að mynda eyddi félagið rúmum 40 milljónum punda í hollenska varnarmanninn Nathan Aké í sumar.

Hinn 23 ára gamli Dias kemur frá Portúgal og er uppalinn hjá Benfica. Hann lék 90 leiki fyrir aðallið Benfica og þá hefur hann leikið 19 leiki fyrir portúgalska A-landsliðið. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.