Innlent

Eldur kom upp í bílum eftir árekstur í Grafarvogi

Jóhann K. Jóhannsson skrifar
Slökkvilið vinnur á vettvangi slyssins.
Slökkvilið vinnur á vettvangi slyssins. Vísir/Vilhelm

Eldur kom upp í bíl eftir árekstur tveggja þeirra á Korpúlfsstaðavegi á milli Barðastaða og Vesturlandsvegar um klukkan átta í morgun.

Bílarnir sem lentu saman voru smárúta og fólksbíl og var einn í hvorum bíl. Þá sakaði ekki.

Samkvæmt upplýsingum frá Slökkviliði höfuðborgarsvæðisins voru dælubíll og tveir sjúkrabílar sendir á vettvang en ekki var talin ástæða til þess að flytja neinn á slysadeild.

Veginum hefur verið lokað vegna slyssins á meðan viðbragðsaðilar vinna á vettvangi.




Fleiri fréttir

Sjá meira


×