Enski boltinn

Ekki lengur fimm skiptingar

Ingvi Þór Sæmundsson skrifar
Knattspyrnustjórar í ensku úrvalsdeildinni máttu gera fimm breytingar í síðustu umferðunum, eða eftir að keppni hófst á ný eftir hléið vegna kórónuveirufaraldursins.
Knattspyrnustjórar í ensku úrvalsdeildinni máttu gera fimm breytingar í síðustu umferðunum, eða eftir að keppni hófst á ný eftir hléið vegna kórónuveirufaraldursins. getty/Tottenham Hotspur

Félögin í ensku úrvalsdeildinni kusu í dag gegn því að leyfa áfram fimm skiptingar í leikjum.

Ákveðið var að leyfa fimm skiptingar í leikjum í stað þriggja þegar keppni hófst á ný í ensku úrvalsdeildinni eftir þriggja mánaða hlé vegna kórónuveirufaraldursins. 

Var þetta gert til að liðin hefðu meiri möguleika til að dreifa álaginu á sína leikmenn þegar leikið væri þétt. Þetta kerfi var einnig tekið upp í öðrum deildum, m.a. hér á Íslandi.

Í dag kusu félögin í ensku úrvalsdeildinni um hvort þetta kerfi ætti áfram að vera við lýði á næsta tímabili. Níu félög af 20 kusu með því en ellefu á móti. Fjórtán lið hefðu þurft að samþykkja tillöguna.

Eftir að keppni hófst á ný í júní máttu lið vera með 20 leikmenn í hóp. Á næsta tímabili verða þeir átján eins og venjan hefur verið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.