Juventus vann grannaslaginn í Tórínó

Juventus unnu afar sannfærandi sigur í nágrannaslagnum gegn Torino. Lokatölur 4-1 fyrir Juventus.

Paulo Dybala skoraði fyrsta markið á 3. mínútu leiksins eftir sendingu frá Juan Cuadrado. Cuadrado skoraði síðan sjálfur á 29. mínútu eftir sendingu frá Cristiano Ronaldo.

Andrea Belotti minnkaði muninn fyrir Torino úr vítaspyrnu undir lok fyrri hálfleiks og staðan 2-1 í hálfleik.

Það var enginn annar en Cristiano Ronaldo sem kom Juventus í 3-1 með marki á 61. mínútu. Á 87. mínútu gerði Koffi Djidji síðan sjálfsmark fyrir Torino og lokatölur urðu 4-1 fyrir Juventus sem eru á toppnum með sjö stiga forskot á Lazio, en Lazio á leik inni gegn Milan í kvöld.