Íslenski boltinn

Helgi Valur borinn af velli | Ferlinum lokið?

Runólfur Trausti Þórhallsson skrifar
Helgi Valur var borinn af velli í kvöld.
Helgi Valur var borinn af velli í kvöld. Vísir/Vilhelm

Helgi Valur Daníelsson – elsti útispilandi leikmaður Pepsi Max deildarinnar – meiddist mjög illa í leik Fylkis og Gróttu í kvöld. Hafði það engin áhrif á lokatölur leiksins en miðjumaðurinn reyndi verður eflaust lengi frá.

Hinn 39 ára gamli Helgi Valur fór í návígi við Bjarka Leósson í upphafi síðari hálfleiks. Boltinn var á milli þeirra en strax var ljóst að Helgi var sárþjáður og þurft að bera miðjumanninn margreynda af velli. Ef meiðslin eru jafn slæm og við fyrstu sýn má reikna með að Helgi spili ekki meira á þessu tímabili.

„Þetta er bara alveg skelfilegt og miðað við fréttirnar virðist hann vera brotinn og bara hræðilegt að missa hann. Þetta er bara tækling sem þeir fara í, svona gerist stundum, þetta var ekkert viljaverk eða neitt þannig. En bara hræðilegt. Hann verður væntanlega frá í langan tíma en vonandi kemur hann sterkur til baka,“ sagði Ólafur Stígsson, annar þjálfara Fylkis, eftir leik.

Helgi Valur snéri aftur í íslenska boltann fyrir síðasta sumar eftir að hafa lagt skóna á hilluna nokkrum árum áður. Tók hann slaginn með sínu gamla félagi Fylki og lék alls 20 deildarleiki síðasta sumar. 

Hann byrjaði þessa leiktíð einnig af krafti og því mikill missir fyrir Fylki og Pepsi Max deildina ef Helgi verður ekki meira með á þessari leiktíð. Hvort þetta hafi verið hans síðasti leikur á ferlinum verður ósagt látið en við vonum að Helgi snúi aftur eins fljótt og auðið er.

Inn á fyrir Helga Val kom Ólafur Ingi Skúlason og hjálpaði hann Fylki að vinna sinn fyrsta sigur í sumar. Lokatölur 2-0 í Árbænum þökk sé mörkum og Fylkismenn komnir á blað í Pepsi Max deildinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.