McManaman telur bikarafhendingu fyrir framan tóma stúku mikil vonbrigði

Steve McManaman, fyrrum leikmaður Liverpool, er ekki spenntur fyrir því að sjá sína menn lyfta Englandsmeistaratitlinum fyrir framan tóma stúku. 

Yfirstandandi tímabil í ensku deildinni verður klárað fyrir luktum dyrum vegna Kórónuveirunnar, sem þýðir að Liverpool þyrfti að öllum líkindum að lyfta Englandsmeistaratitlinum án  viðstaddra aðdáenda. 

Liverpool hefur ekki lyft þeim stóra í 30 ár. 

,,Það verður frábært þegar að því kemur, en það verða engir stuðningsmenn,“ sagði McManaman.

Seinna meir þegar allt kemst í eðlilegt horf geta stuðningsmenn mætt á völlinn og fagnað almennilega og skipulagt skrúðgöngur í borginni.

Við sáum viðbrögðin þegar þeir færðu stuðningsmönnum Meistaradeildartitilinn í fyrra, ef þeir vinna núna deildina eftir 30 ára bið munu þeir fagna, en það verður ekki eins og að vera á vellinum með liðinu.“

Liverpool mætir Gylfa Sigurðssyni og félögum í Everton í Guttagarði þann 21. júní í fyrstu umferð eftir hlé.