Lífið

Sein­feld-leikarinn Richard Herd er látinn

Atli Ísleifsson skrifar
Richard Herd á frumsýningu Get Out árið 2017.
Richard Herd á frumsýningu Get Out árið 2017. Getty

Bandaríski leikarinn Richard Herd er látinn, 87 ára að aldri. Herd var þekktastur fyrir hlutverk sitt sem Mr. Wilhelm sem var yfirmaður George Costanza hjá hafnaboltafélaginu New York Yankees.

Talsmaður Herd segir í samtali við TheWrap að Herd hafi látist af völdum krabbameins á heimili sínu í Los Angeles.

Herd fór með hlutverk Mr Wilhelm í nokkrum þáttaröðum Seinfeld, alls í ellefu þáttum.

Leiklistarferill Herd spannaði marga áratugi og fór hann með hlutverk John, leiðtoga geimveranna sem komu til jarðarinnar, í þáttunum V árið 1983 og svo aftur í V: The Final Battle ári síðar.

Hann fór einnig með hlutverk í þáttunum seaQuest DSV, Star Trek: Voyager og T.J. Hooker.

Á meðal kvikmynda Herd má nefna All the President’s Men, The China Syndrome, The Onion Field, I Never Promised You a Rose Garden og myndina Get Out frá árinu 2017.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.