Annar leikmaður í ítölsku úrvalsdeildinni smitaður af kórónuveirunni

Ítalska úrvalsdeildarliðið Sampdoria hefur greint frá því að Manolo Gabbiadini sé með kórónuveiruna.

Gabbiani er annar leikmaðurinn í ítölsku úrvalsdeildinni sem greinist með kórónuveiruna. Í gær var greint frá því að Daniele Rugani, varnarmaður Juventus, væri smitaður.

Öllum leikjum í ítölsku úrvalsdeildinni hefur verið frestað til 3. apríl hið minnsta.

Kórónuveiran hefur leikið Ítalíu grátt en rúmlega 800 hafa látist af völdum hennar þar í landi.

Gabbiadini, sem er 28 ára, gekk í raðir Samdoria frá Southampton í janúar 2019. Hann hefur leikið ellefu landsleiki fyrir Ítalíu og skorað tvö mörk.