Ferðabann Trump kom evrópskum ráðamönnum að óvörum Kjartan Kjartansson skrifar 12. mars 2020 11:29 Ákvörðun Trump um ferðabann á Evrópu vegna kórónuveirunnar í sjónvarpsávarpi í nótt kom sem þruma úr heiðskíru lofti. Evrópskir ráðamenn gagnrýndu að ákvörðunin hafi verið tekin án samráðs við þá. Vísir/EPA Evrópskir ráðamenn fengu engan fyrirvara um að Donald Trump Bandaríkjaforseti ætlaði að leggja á ferðabann frá Evrópu til Bandaríkjanna vegna kórónuveirufaraldursins í nótt. Margir þeirra telja að pólitík hafi ráðið för hjá bandaríska forsetanum. Bresk stjórnvöld segjast engin áform hafa um ferðabönn af þessu tagi. Trump tilkynnti um ferðabann frá Evrópu í þrjátíu daga frá og með miðnætti á föstudag í sjónvarpsávarpi sem hann hélt í nótt. Bannið nær til allra erlendra ríkisborgara sem hafa verið á Schengen-svæðinu, Íslandi þar með töldu, síðustu fjórtán daga. Bretland er undanskilið ferðabanninu. Evrópusambandið lýsti vanþóknun sinni á að ákvörðun Trump hafi verið tekin einhliða og án samráðs í yfirlýsingu frá Ursulu von der Leyen, forseta framkvæmdastjórnarinnar, og Charles Michel, forseta ráðherraráðsins, í dag. Sögðu þau að ESB taki fast á málum til að stöðva útbreiðlu veirunnar. Íslensk stjórnvöld hafa þegar mótmælt ákvörðun Bandaríkjastjórnar og ræddi Guðlaugur Þór Þórðarson, utanríkisráðherra, við bandaríska sendiherrann í morgun. Bjarni Benediktsson, fjármálaráðherra, lýsti ferðabanninu sem reiðarslagi fyrir íslensku þjóðina í morgun. Fjármálamarkaðir hafa tekið tíðindunum illa og hafa helstu vísitölur í Asíu og Evrópu fallið hratt í nótt og í morgun. Jafnvel í Bretlandi eru ráðamenn furðu lostnir yfir ákvörðun Bandaríkjastjórnar. Þeir telja vísindaleg rök ekki hníga að ferðabanni af þessu tagi. „Ráðleggingarnar sem við fáum eru að það séu ekki vísbendingar um að inngrip eins og að loka landamærum eða ferðabönn hafi efnisleg áhrif á útbreiðslu smita,“ sagði Rishi Sunak, fjármálaráðherra Bretlands, í viðtali við breska ríkisútvarpið BBC í morgun. Bretland stendur utan Schengen-svæðisins og er því undanskilið ferðabanni Trump.Vísir/EPA Fjöldahræðsla á flugvöllum Ringulreið er sögð hafa skapast á evrópskum flugvöllum í morgun eftir að ferðalangar vöknuðu við óvænt tíðindi af ferðabanninu. Reuters-fréttastofan segir að bandarískir og evrópskir ferðamenn hafi þannig þust út á Barajas-flugvöll í Madrid á Spáni til að ná síðustu vélunum til Bandaríkjanna áður en bannið tekur gildi. „Þetta olli fjöldahræðslu,“ segir Anna Grace, bandarískur námsmaður sem þurfti að breyta ferðaáformum sínum í skyndingu og fljúga heim til Bandaríkjanna í staðinn fyrir að halda fyrstu Evrópureisu sinni áfram. Washington Post segir að Michael Bauer, þýskur forstöðumaður lækninga, hafi sagt í útvarpsviðtali í Þýskalandi í morgun að aðgerðir Trump væru aðallega pólitískar í ljósi yfirvofandi forsetakosningar í haust. „Ég held að ástandið í Bandaríkjunum, þar sem mjög fáir einstaklingar hafa verið prófaðir en dauðsföll eru hlutfallslega mörg miðað við hversu margir hafa verið prófaðir, sýni sérstaklega að aðeins toppur ísjakans sé sýnilegur í Bandaríkjunum, sennilega að hluta til af pólitískum ástæðum,“ sagði Bauer sem ýjaði ennfremur að því að ákvörðunin um að undanskilja Bretland væri pólitísk. Útlendingar hentugir blórabögglar fyrir Trump Trump og ríkisstjórn hans hafa sætt gagnrýni fyrir að bregðast hægt og illa við útbreiðslu kórónuveirunnar. Gagnrýnendur hafa fullyrt að Trump og ríkisstjórn hafi hugsað meira um gera lítið úr alvarleika faraldursins til að róa markaði en að grípa til raunverulegra aðgerða til að rekja smit og takmarka útbreiðslu veirunnar. Í ávarpi sínu í nótt freistaði Trump þess að kenna öðrum löndum um útbreiðslu veirunnar og gagnrýndi viðbrögð þeirra. Talaði hann um veiruna sem „erlenda veiru“. Gérard Araud, fyrrverandi sendiherra Frakklands í Bandaríkjunum, telur að rekja megi ákvörðun Trump um ferðabannið til gagnrýninnar sem hann hefur sjálfur setið undir heima fyrir. „Trump þurfti á sögu að halda til að fría ríkisstjórn hans af nokkurri ábyrgð á neyðarástandinu. Útlendingurinn er alltaf ákjósanlegur blóraböggull. Það er þegar búið að nota Kínverja. Notum þá Evrópumanninn, ekki hvaða Evrópumann sem er heldur þá sem eru í Evrópusambandinu,“ tísti Araud. Trump needed a narrative to exonerate his administration from any responsibility in the crisis. The foreigner is always a good scapegoat. The Chinese has already been used. So, let s take the European, not any European, the EU-one. Doesn t make sense but ideologically healthy.— Gérard Araud (@GerardAraud) March 12, 2020 Ruglingur skapaðist einnig vegna þess hversu óskýr yfirlýsing Trump var í nótt. Hann virtist þannig segja að ekki aðeins yrðu farþegaflutningar frá Evrópu stöðvaðir heldur einnig allir vöruflutningar. Hvíta húsið áréttaði síðar að bannið næði aðeins til fólksflutninga. Þá hefur ákvörðunin um að undanskilja Bretland frá ferðabanninu vakið upp spurningar. Politico benti þannig á að þau Evrópulönd þar sem fyrirtæki Trump forseta rekur golfvelli séu undanþegin banninu. Bæði Bretland og Írland standa utan Schengen-samstarfsins. Wuhan-veiran Bandaríkin Donald Trump Tengdar fréttir Ferðabannið gríðarlegt reiðarslag fyrir þjóðina Ferðabann Bandaríkjaforseta er gríðarlegt reiðarslag að mati fjármálaráðherra, sem segist hafa snöggreiðst þegar hann heyrði af ákvörðun Donald Trump í nótt. 12. mars 2020 08:45 Íslensk stjórnvöld mótmæla aðgerðum bandarískra stjórnvalda Íslensk stjórnvöld hafa í morgun komið á framfæri hörðum mótmælum við aðgerðum sem bandarísk stjórnvöld gripu til í nótt og snúa að ferðabanni frá Bandaríkjunum til Evrópu næstu fjórar vikurnar. 12. mars 2020 09:43 Trump lokar á ferðalög frá Evrópu til Bandaríkjanna Donald Trump, forseti Bandaríkjanna, hefur tilkynnt ferðabann frá Evrópu til Bandaríkjanna í þrjátíu daga frá og með miðnætti á föstudag vegna kórónuveirunnar sem veldur Covid-19 sjúkdómnum. 12. mars 2020 01:25 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ætlaði að koma upp um barnaníðing en lenti í klóm hans Innlent Segir lág laun leikskólakennara mýtu Innlent Steinunn Ólína segir landráðamál í uppsiglingu Innlent Tveir létust í banaslysi í Eyjafirði Innlent Hafi líka reynt að bana eldri syni sínum Innlent Leikskólakennarar ósáttir við vettlingagjörning Innlent Steinunn Ólína skýtur föstum skotum á Katrínu Innlent Kínversk ferðaskrifstofa mátti sín lítils gegn TM Innlent Alvarlegt umferðarslys í Eyjafirði Innlent Mikill reykur þegar kviknaði í einangrunarplasti Innlent Fleiri fréttir Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Dregur úr vinnu og verkefnum Evrópa hlýnar hraðast heimsálfanna Duda segir Pólverja reiðubúna til að geyma kjarnorkuvopn Segir af sér vegna mistaka í kringum árás Hamas Rallýbíll ók á áhorfendur á Sri Lanka Ísraelar æfir yfir fyrirhuguðum þvingunum á Netzah Yehuda herdeildina Ríki heims verja metupphæðum til hermála Sjá meira
Evrópskir ráðamenn fengu engan fyrirvara um að Donald Trump Bandaríkjaforseti ætlaði að leggja á ferðabann frá Evrópu til Bandaríkjanna vegna kórónuveirufaraldursins í nótt. Margir þeirra telja að pólitík hafi ráðið för hjá bandaríska forsetanum. Bresk stjórnvöld segjast engin áform hafa um ferðabönn af þessu tagi. Trump tilkynnti um ferðabann frá Evrópu í þrjátíu daga frá og með miðnætti á föstudag í sjónvarpsávarpi sem hann hélt í nótt. Bannið nær til allra erlendra ríkisborgara sem hafa verið á Schengen-svæðinu, Íslandi þar með töldu, síðustu fjórtán daga. Bretland er undanskilið ferðabanninu. Evrópusambandið lýsti vanþóknun sinni á að ákvörðun Trump hafi verið tekin einhliða og án samráðs í yfirlýsingu frá Ursulu von der Leyen, forseta framkvæmdastjórnarinnar, og Charles Michel, forseta ráðherraráðsins, í dag. Sögðu þau að ESB taki fast á málum til að stöðva útbreiðlu veirunnar. Íslensk stjórnvöld hafa þegar mótmælt ákvörðun Bandaríkjastjórnar og ræddi Guðlaugur Þór Þórðarson, utanríkisráðherra, við bandaríska sendiherrann í morgun. Bjarni Benediktsson, fjármálaráðherra, lýsti ferðabanninu sem reiðarslagi fyrir íslensku þjóðina í morgun. Fjármálamarkaðir hafa tekið tíðindunum illa og hafa helstu vísitölur í Asíu og Evrópu fallið hratt í nótt og í morgun. Jafnvel í Bretlandi eru ráðamenn furðu lostnir yfir ákvörðun Bandaríkjastjórnar. Þeir telja vísindaleg rök ekki hníga að ferðabanni af þessu tagi. „Ráðleggingarnar sem við fáum eru að það séu ekki vísbendingar um að inngrip eins og að loka landamærum eða ferðabönn hafi efnisleg áhrif á útbreiðslu smita,“ sagði Rishi Sunak, fjármálaráðherra Bretlands, í viðtali við breska ríkisútvarpið BBC í morgun. Bretland stendur utan Schengen-svæðisins og er því undanskilið ferðabanni Trump.Vísir/EPA Fjöldahræðsla á flugvöllum Ringulreið er sögð hafa skapast á evrópskum flugvöllum í morgun eftir að ferðalangar vöknuðu við óvænt tíðindi af ferðabanninu. Reuters-fréttastofan segir að bandarískir og evrópskir ferðamenn hafi þannig þust út á Barajas-flugvöll í Madrid á Spáni til að ná síðustu vélunum til Bandaríkjanna áður en bannið tekur gildi. „Þetta olli fjöldahræðslu,“ segir Anna Grace, bandarískur námsmaður sem þurfti að breyta ferðaáformum sínum í skyndingu og fljúga heim til Bandaríkjanna í staðinn fyrir að halda fyrstu Evrópureisu sinni áfram. Washington Post segir að Michael Bauer, þýskur forstöðumaður lækninga, hafi sagt í útvarpsviðtali í Þýskalandi í morgun að aðgerðir Trump væru aðallega pólitískar í ljósi yfirvofandi forsetakosningar í haust. „Ég held að ástandið í Bandaríkjunum, þar sem mjög fáir einstaklingar hafa verið prófaðir en dauðsföll eru hlutfallslega mörg miðað við hversu margir hafa verið prófaðir, sýni sérstaklega að aðeins toppur ísjakans sé sýnilegur í Bandaríkjunum, sennilega að hluta til af pólitískum ástæðum,“ sagði Bauer sem ýjaði ennfremur að því að ákvörðunin um að undanskilja Bretland væri pólitísk. Útlendingar hentugir blórabögglar fyrir Trump Trump og ríkisstjórn hans hafa sætt gagnrýni fyrir að bregðast hægt og illa við útbreiðslu kórónuveirunnar. Gagnrýnendur hafa fullyrt að Trump og ríkisstjórn hafi hugsað meira um gera lítið úr alvarleika faraldursins til að róa markaði en að grípa til raunverulegra aðgerða til að rekja smit og takmarka útbreiðslu veirunnar. Í ávarpi sínu í nótt freistaði Trump þess að kenna öðrum löndum um útbreiðslu veirunnar og gagnrýndi viðbrögð þeirra. Talaði hann um veiruna sem „erlenda veiru“. Gérard Araud, fyrrverandi sendiherra Frakklands í Bandaríkjunum, telur að rekja megi ákvörðun Trump um ferðabannið til gagnrýninnar sem hann hefur sjálfur setið undir heima fyrir. „Trump þurfti á sögu að halda til að fría ríkisstjórn hans af nokkurri ábyrgð á neyðarástandinu. Útlendingurinn er alltaf ákjósanlegur blóraböggull. Það er þegar búið að nota Kínverja. Notum þá Evrópumanninn, ekki hvaða Evrópumann sem er heldur þá sem eru í Evrópusambandinu,“ tísti Araud. Trump needed a narrative to exonerate his administration from any responsibility in the crisis. The foreigner is always a good scapegoat. The Chinese has already been used. So, let s take the European, not any European, the EU-one. Doesn t make sense but ideologically healthy.— Gérard Araud (@GerardAraud) March 12, 2020 Ruglingur skapaðist einnig vegna þess hversu óskýr yfirlýsing Trump var í nótt. Hann virtist þannig segja að ekki aðeins yrðu farþegaflutningar frá Evrópu stöðvaðir heldur einnig allir vöruflutningar. Hvíta húsið áréttaði síðar að bannið næði aðeins til fólksflutninga. Þá hefur ákvörðunin um að undanskilja Bretland frá ferðabanninu vakið upp spurningar. Politico benti þannig á að þau Evrópulönd þar sem fyrirtæki Trump forseta rekur golfvelli séu undanþegin banninu. Bæði Bretland og Írland standa utan Schengen-samstarfsins.
Wuhan-veiran Bandaríkin Donald Trump Tengdar fréttir Ferðabannið gríðarlegt reiðarslag fyrir þjóðina Ferðabann Bandaríkjaforseta er gríðarlegt reiðarslag að mati fjármálaráðherra, sem segist hafa snöggreiðst þegar hann heyrði af ákvörðun Donald Trump í nótt. 12. mars 2020 08:45 Íslensk stjórnvöld mótmæla aðgerðum bandarískra stjórnvalda Íslensk stjórnvöld hafa í morgun komið á framfæri hörðum mótmælum við aðgerðum sem bandarísk stjórnvöld gripu til í nótt og snúa að ferðabanni frá Bandaríkjunum til Evrópu næstu fjórar vikurnar. 12. mars 2020 09:43 Trump lokar á ferðalög frá Evrópu til Bandaríkjanna Donald Trump, forseti Bandaríkjanna, hefur tilkynnt ferðabann frá Evrópu til Bandaríkjanna í þrjátíu daga frá og með miðnætti á föstudag vegna kórónuveirunnar sem veldur Covid-19 sjúkdómnum. 12. mars 2020 01:25 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ætlaði að koma upp um barnaníðing en lenti í klóm hans Innlent Segir lág laun leikskólakennara mýtu Innlent Steinunn Ólína segir landráðamál í uppsiglingu Innlent Tveir létust í banaslysi í Eyjafirði Innlent Hafi líka reynt að bana eldri syni sínum Innlent Leikskólakennarar ósáttir við vettlingagjörning Innlent Steinunn Ólína skýtur föstum skotum á Katrínu Innlent Kínversk ferðaskrifstofa mátti sín lítils gegn TM Innlent Alvarlegt umferðarslys í Eyjafirði Innlent Mikill reykur þegar kviknaði í einangrunarplasti Innlent Fleiri fréttir Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Dregur úr vinnu og verkefnum Evrópa hlýnar hraðast heimsálfanna Duda segir Pólverja reiðubúna til að geyma kjarnorkuvopn Segir af sér vegna mistaka í kringum árás Hamas Rallýbíll ók á áhorfendur á Sri Lanka Ísraelar æfir yfir fyrirhuguðum þvingunum á Netzah Yehuda herdeildina Ríki heims verja metupphæðum til hermála Sjá meira
Ferðabannið gríðarlegt reiðarslag fyrir þjóðina Ferðabann Bandaríkjaforseta er gríðarlegt reiðarslag að mati fjármálaráðherra, sem segist hafa snöggreiðst þegar hann heyrði af ákvörðun Donald Trump í nótt. 12. mars 2020 08:45
Íslensk stjórnvöld mótmæla aðgerðum bandarískra stjórnvalda Íslensk stjórnvöld hafa í morgun komið á framfæri hörðum mótmælum við aðgerðum sem bandarísk stjórnvöld gripu til í nótt og snúa að ferðabanni frá Bandaríkjunum til Evrópu næstu fjórar vikurnar. 12. mars 2020 09:43
Trump lokar á ferðalög frá Evrópu til Bandaríkjanna Donald Trump, forseti Bandaríkjanna, hefur tilkynnt ferðabann frá Evrópu til Bandaríkjanna í þrjátíu daga frá og með miðnætti á föstudag vegna kórónuveirunnar sem veldur Covid-19 sjúkdómnum. 12. mars 2020 01:25