Tveir sóru embættiseið sem forseti Afganistans

Kjartan Kjartansson skrifar 9. mars 2020 14:34

Ghani forseti hélt tölu eftir að hann sór embættiseið í forsetahöllinni í Kabúl í dag. Vísir/EPA

Ashraf Ghani, forseti Afganistans, sór embættiseið fyrir annað kjörtímabil sitt í dag en Abdullah Abdullah, helsti keppinautur hans, neitar enn að viðurkenna kosningasigur Ghani. Abdullah hélt eigin athöfn þar sem hann sór embættiseið sem forseti.

Báðir gera þeir Ghani og Abdullah tilkall til forsetaembættisins eftir umdeildar kosningarnar sem fóru fram í september. Sendifulltrúi Bandaríkjastjórnar eru sagður hafa reynt að miðla málum á milli þeirra í morgun en án árangurs.

Ghani sór embættiseið sinn í forsetahöllinni og voru fulltrúar erlendra ríkja og Atlantshafsbandalagsins (NATO) viðstaddir athöfnina, að sögn Reuters-fréttastofunnar. Ekki liggur fyrir enn hvort að Abdullah ætli að tilnefna eigin ráðherra og ríkisstjóra eða reyna að taka embættin með valdi.

Ríkisstjórn Afganistan undirbýr nú viðræður við talibana eftir að Bandaríkjastjórn gerði samkomulag við þá um brotthvarf Bandaríkjahers. Deilurnar um hver er réttmætur forseti Afganistans gæti sett strik í reikninginn.

Ghani sagðist í ræðu í dag ætla að leggja lokahönd á skipan samninganefndar og taka afstöðu til kröfu talibana um að um 5.000 liðsmönnum þeirra verði sleppt úr fangelsi. Forsetinn hefur hafnað þeirri kröfu fram að þessu en talibanar setja lausn fanganna sem skilyrði fyrir friðarsamningum.

Afganistan

Tengdar fréttir

Talibanar boða frekari árásir þrátt fyrir friðarsamning

Snurða virðist þegar hlaupin á þráðinn í samkomulagi sem Bandaríkjastjórn gerði við talibana um helgina. Talibanar ætla ekki að taka þátt í frekari viðræðum fyrr en afgönsk stjórnvöld sleppa 5.000 liðsmönnum þeirra sem forseti landsins kannast ekki við að hafa fallist á.

2. mars 2020 16:51

Afganski forsetinn hafnar samkomulagi um fangaskipti

Forseti Afganistan segir það ekki rétt að ríkið hafi lofað að frelsa 5000 Talíbana úr fangelsum ríkisins líkt og haldið er fram í friðarsamningi milli Bandaríkjanna og Talíbana.

1. mars 2020 08:58

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir