Erlent

Ekkert dauðs­fall af völdum Co­vid-19 í Kína síðasta sólar­hringinn

Kristín Ólafsdóttir skrifar
Faraldurinn er í rénun í Kína þó að sýkingar hafi blossað upp að nýju í landinu síðustu daga, sem og í öðrum Asíuríkjum.
Faraldurinn er í rénun í Kína þó að sýkingar hafi blossað upp að nýju í landinu síðustu daga, sem og í öðrum Asíuríkjum. AP/Mark Schiefelbein

Enginn lést af völdum kórónuveirunnar í Kína síðasta sólarhringinn í fyrsta sinn síðan í janúar, samkvæmt opinberum tölum frá heilbrigðisyfirvöldum þar í landi.

32 ný tilfelli greindust í Kína í gær, sem öll tengdust ferðalögum erlendis. Þá greindust þrjátíu til viðbótar, sem ekki sýndu einkenni, en stutt er síðan yfirvöld hófu að taka slík tilfelli með í tölum yfir smitaða.

Faraldurinn er í rénun í Kína þó að sýkingar hafi blossað upp að nýju í landinu síðustu daga, sem og í öðrum Asíuríkjum. Aftur hefur þurft að grípa til lokana í borginni Wuhan, þar sem veiran á upptök sín, til að stemma stigu við annarri bylgju faraldursins.

Boðað hefur verið að ferðabanni verði aflétt í borginni á morgun en lestarferðir til borgarinnar hafa verið leyfðar síðan í lok mars.

Tilfelli veirunnar á heimsvísu eru nú orðin vel rúmlega 1,3 milljónir, samkvæmt tölum frá Johns Hopkins-háskólanum. Þá eru rétt tæplega 75 þúsund nú látnir úr veirunni, flestir á Ítalíu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.