Markalaust í fyrsta leik Zlatans með Milan

Innkoma Zlatan Ibrahimovic náði ekki að skila AC Milan þremur stigum í dag er liðið tók á móti Sampdoria á San Siro. Leiknum lyktaði með markalausu jafntefli.

Zlatan hóf leik á bekknum kom inn af bekknum á 55. mínútu og var fljótur að láta að sér kveða.

Hann var mikið í sóknarspilinu og átti skalla af stuttu færi sem vildi ekki í markið. Annars gekk félögum hans ekkert of vel að búa til opin færi fyrir Svíann.

Það virkaði þó meira líf í Milan-mönnum með Zlatan á vellinum en liðið er eftir sem áður í tólfta sæti deildarinnar en Sampdoria er í sautjánda sæti, rétt fyrir ofan fallsæti.