Staðfesta að þýski boltinn fari að rúlla 15. maí

Þýska úrvalsdeildin hefur staðfest við þýska dagblaðið Bild að þýska úrvalsdeildin muni byrja aftur að rúlla 15. maí eftir að hafa verið á ís í tæpa tvo mánuði vegna kórónuveirufaraldursins.

Angela Merkel gaf í gær grænt ljós á að Bundesligan og 2. Bundesligaen færi af stað en hún fól forráðamönnum þýsku úrvalsdeildarinnar að finna dag til þess að byrja mótið og var búist við því að þetta yrði ákveðið á fundi í dag.

En samkvæmt Bild hefur DFL, samband þýsku úrvalsdeildarinnar, nú þegar staðfest að deildin fari af stað 15. maí. Þeir hafa skrifað út til þeirra 36 félaga sem leika í tveimur efstu deildunum.

Samúel Kári Friðjónsson og félagar í Paderborn spila fyrsta leikinn eftir veiruna en Paderborn spilar gegn Fortuna Dusseldorf föstudaginn 15. maí. Paderborn er á botni deildarinnar.

Flest lið deildarinnar eiga níu leiki eftir. Bayern Munchen er á toppi deildarinnar með fjögurra stiga forskot á Borussia Dortmund og fimm stiga forskot á Leipzig.