Segja Moyes taka við West Ham

Sky Sports heldur því fram að David Moyes muni taka við starfi knattspyrnustjóra West Ham.

Manuel Pellegrini var rekinn frá West Ham í gærkvöld eftir tap liðsins fyrir Leicester í ensku úrvalsdeildinni.

West Ham er aðeins stigi frá fallsæti í deildinni og hefur liðinu gengið mjög illa síðustu vikur.

David Moyes hefur verið hjá West Ham áður, en hann bjargaði liðinu frá falli tímabilið 2017-18. Pellegrini tók við starfi knattspyrnustjóra af Moyes vorið 2018.

Moyes hefur ekki verið í starfi knattspyrnustjóra síðan skammtímasamningur hans við West Ham rann út 2018.