Tottenham tapaði í vítaspyrnukeppni í fyrsta leik Tanguy Ndombele á heimavelli

Tottenham tapaði síðasta leiknum fyrir ensku úrvalsdeildina er liðið tapaði í vítaspyrnukeppni gegn Inter Milan eftir 1-1 jafntefli í venjulegum leiktíma.

Miðjumaðurinn Tanguy Ndombele lék sinn fyrsta leik á heimavelli í dag en leikurinn fór fram á nýja leikvangi Tottenham í Lundúnum. Tanguy var keyptur frá Lyon í sumar.

Lucas Moura kom Tottenham yfir strax á þriðju mínútu leiksins en miðjumaðurinn Stefano Sensi jafnaði metin á 33. mínútu.

#THFC: Lloris (C), Walker-Peters, Sanchez, Vertonghen, Rose, Winks, Sissoko, Ndombele, Lamela, Lucas, Kane. #ICC2019 ⚪️ #COYSpic.twitter.com/S9ZlZrwhic

— Tottenham Hotspur (@SpursOfficial) August 4, 2019

Fleiri urðu mörkin ekki í leiknum og því var gripið til vítaspyrnukeppni. Bæði lið klúðruðu sínum fyrstu vítaspyrnum; Christian Eriksen fyrir Tottenham og Pucas fyrir Inter.

Svo komu sex vítaspyrnur í röð sem fóru í netið áður en Handanovic varði spyrnu hins unga miðjumanns Tottenham, Oliver Skipp. Joao Mario tryggði svo Inter sigurinn.

All square after 90 minutes in our final pre-season outing, but Inter take it on penalties. #ICC2019 ⚪️ #COYSpic.twitter.com/FmqIoh5Kcs

— Tottenham Hotspur (@SpursOfficial) August 4, 2019

Fyrsti leikur Tottenham í ensku úrvalsdeildinni er á heimavelli gegn Aston Villa næsta laugardag.